नागपूर : प्रसूती व स्त्रीरोग संघटना, नागपूरची नवीन कार्यकारिणी नुकतीच घोषित करण्यात आली असून, रविवारी कार्यकारिणीच्या पदाधिकाऱ्यांचा पदग्रहण सोहळा पार पडला. डॉ. अलका मुखर्जी यांनी अध्यक्षपदाची, तर डॉ. आशिष कुबडे यांनी सचिवपदाची सूत्रे हाती घेतली. प्रमुख पाहुणे म्हणून अखिल भारतीय प्रसूती व स्त्रीरोग महासंघाचे अध्यक्ष डॉ. अल्पेश गांधी, लाभले, हॉवर्ड विद्यापीठाचे डॉ. थॉमस बुर्केव, महापौर दयाशंकर उपस्थित होते.
पदग्रहण सोहळ्यात डॉ. मुखर्जी यांनी वर्षभरात आयोजित शैक्षणिक व सामाजिक कार्यक्रमाची माहिती दिली. त्या म्हणाल्या, ‘सुरक्षित माता, सुरक्षित चिकित्सक’ हे यावर्षीचे ब्रीदवाक्य आहे. संस्थेच्या दृष्टीने नागपुरातील महिलांनी त्यांच्या आयुष्यभर शारीरिक, मानसिक, प्रजनन आणि लैंगिक आरोग्याचे उच्चतम संभाव्य मानक साध्य केले पाहिजे, ही अपेक्षा ठेवली आहे. त्या दृष्टीने विविध कार्यक्रमांचे आयोजन करण्यात आल्याचेही त्या म्हणाल्या. याप्रसंगी डॉ. मुखर्जी व डॉ. कुबडे यांच्यासह नवनिर्वाचित अध्यक्ष डॉ. वर्षा ढवळे, उपाध्यक्ष डॉ. सुषमा देशमुख, कोषाध्यक्ष डॉ. प्रगती खळतकर, उपसचिव डॉ. सुमित बाहेती, सहकोषाध्यक्ष डॉ. रश्मी भैसारे, चिकित्सा बैठक प्रभारी डॉ. शांतला भोळे, भूतपूर्व अध्यक्ष डॉ. वैदेही मराठे, माजी सचिव डॉ. राजसी सेनगुप्ता, फॉग्सी महासंघ प्रतिनिधी डॉ. मंगला घिसाड, राज्य संघटना अमॉग्स प्रतिनिधी डॉ. क्षमा केदार यांच्यासह सदस्य म्हणून डॉ. अमोघ चिमोटे, डॉ. अंजली धोटे-डांगे, डॉ. अनुपमा भुते, डॉ. आरती वंजारी, डॉ. भक्ती गुर्जर, डॉ. मनीषा साहू, डॉ. नीता सप्रे, डॉ. निधी चांडक, डॉ. पारूल सावजी, डॉ. रचिता पहूकर, डॉ. रिजू चिमोटे, डॉ. शशिकांत रघुवंशी, डॉ. शिवांगी जहागीरदार, डॉ. स्वाती कोटपल्लीवार, डॉ. स्वाती खांडेकर, डॉ. स्वाती सारडा, डॉ. त्रिशला, डॉ. विजयलक्ष्मी कोठाळकर, डॉ. यामिनी काळे यांनी पदभार हाती घेतला.