लोकमत न्यूज नेटवर्क
नागपूर : मध्य रेल्वे मुख्यालयाने ६५व्या वार्षिक रेल्वे पुरस्कारांची घोषणा केली आहे. यात मध्य रेल्वे, नागपूर मंडळाच्या मंडळ रेल्वे व्यवस्थापक ऋचा खरे यांच्या मार्गदर्शनात करण्यात आलेल्या उत्कृष्ट कार्यासाठी एकूण २१ एफिशियन्सी शिल्डपैकी नागपूर मंडळाला वैयक्तिक स्तरावर पाच आणि संयुक्त स्तरावर तीन शिल्ड प्रदान केल्या जाणार आहे.
नागपूर मंडळात रोबोटच्या मदतीने गाड्यांची अंडरगियर तपासणी, अप्रभावी कोच व वॅगन्सला कमी करणे आणि अशक्त वॅगन्सची ऑनटाइम दुरुस्ती, स्वयंचलित ट्रेन परीक्षा यंत्रणेच्या स्थापनेसाठी यांत्रिक शिल्ड, इलेक्ट्रॉनिक इंटरलॉकिंग, स्वयंचलित सिग्नलिंग, एसी गेटचे इंटरलॉकिंग, आयबीएच कमिशनिंग, वायफाय कोच, डिस्प्ले बोर्डची स्थापना, ऑप्टिकल फायबर वर्कसाठी एस ॲण्ड टी शिल्ड, गाड्यांच्या परिचालनाची पाळलेल्या समयसारीणीसाठी पॅक्च्युएलिटी शिल्ड, बैतुल स्टेशनची राखलेली स्वच्छता आणि नागपूर स्टेशनच्या डायमंड क्रॉसिंग गार्डनची घेतलेली काळजी यासाठी स्वच्छता शिल्ड प्रदान केली जाईल. याच प्रकारे संयुक्त स्तरावरील शिल्डमध्ये महाव्यवस्थापक समग्र एफिशियन्सी शिल्ड, परिचालन शिल्ड, अकाऊंड शिल्डचा समावेश आहे. मिळणारे हे पुरस्कार नागपूर मंडळातील अधिकारी व कर्मचाऱ्यांचा गौरव असल्याची भावना मंडळ रेल्वे व्यवस्थापक ऋचा खरे यांनी व्यक्त केली.
.....