नागपूर : नागपूर महापालिकेच्या आरोग्य विभागाकडून कोरोनाच्या रुग्णांची वाढती संख्या लक्षात घेऊन उच्च रक्तदाब, अस्थमा, क्षयरोग, कॅन्सर, एड्स, कुष्ठरोगी, किडनी आदी आजारांवर घरीच उपचार करण्यात येत आहे. शहरात आतापर्यंत महापालिकेने १४९१५ नागरिकांची आरोग्य तपासणी केली आहे.
शहरातील ८१४८४ नागरिकांची यादी तयार करण्यात आली असून यातील सर्वाधिक १६५१८ रुग्ण धरमपेठ झोनमधील आहेत. यातील ३५८२ नागरिकांपर्यंत महापालिकेची चमू पोहोचली आहे. त्यांच्या आरोग्याची तपासणी करून त्यांना आवश्यक सल्ला देण्यात आला आहे. महापालिकेचे अप्पर आयुक्त राम जोशी यांनी सांगितले की, ‘मेरा परिवार, मेरी जबाबदारी’ मोहिमे अंतर्गत आरोग्य विभागाच्या सहकार्याने सर्वेक्षण करण्यात येत आहे. संबंधित यादीनुसार नागरिकांच्या आरोग्याची तपासणी करण्यात येत आहे. आवश्यक सल्ल्यासोबत नागरिकांना व्हिटॅमिन सी व झिंकच्या गोळ्या देण्यात येत आहेत. महापालिका आयुक्त राधाकृष्णन बी यांनी घरी उपचार घेणाऱ्या नागरिकांची तपासणी करण्याचे निर्देश दिले होते. महापालिका आरोग्य विभागाने २५ नोव्हेंबरपासून सर्वेक्षण सुरू केले आहे. १ डिसेंबरपर्यंत ९६०६ उच्च रक्तदाब, ४८१ अस्थमा, ३३ क्षयरोग, ७४ कॅन्सर, ९ एड्स, मधुमेहाचे ६७३३, हृदयरोगाचे २६१, कुष्ठरोगाचे १३, लठ्ठपणाचे ७, कोरोनापासून दुरुस्त झालेले ११८ रुग्णांची तपासणी करण्यात आली आहे. ही माहिती महापालिकेच्या नोडल अधिकारी डॉ. भावना सोनकुसळे यांनी दिली.
............
घरी उपचार घेणारे रुग्ण
झोन एकूण रुग्णांचे सर्वेक्षण
लक्ष्मीनगर १११८४ ७८०
धरमपेठ १६५१८ ३५८२
हनुमाननगर ७१२१ ६४५
धंतोली ८८३० ९५७
नेहरुनगर ११९६२ ३८३
गांधीबाग ८६६६ ३३०६
सतरंजीपुरा ३४८१ ८३
लकडगंज २४६१ २३०१
आसीनगर ६०५३ १५८७
मंगळवारी ५२०८ १२९१
...............