नागपूर : वाठोडा पोलीस स्टेशनच्या हद्दीतील ११ ते १४ वर्षे वयोगटातील चार मुली आज दुपारपासून अचानक बेपत्ता झाल्या होत्या. रात्री नऊ वाजेपर्यंत मुली घरी न परतल्यामुळे चिंताग्रस्त पालकांनी वाठोडा पोलीस स्टेशनमध्ये धाव घेतली. वाठोडा पोलिसांनी लगेच वरिष्ठांना माहिती देत चारही मुलींचा शोध सुरू केला. याबाबत पोलीस आयुक्त अमितेश कुमार यांनी गांभीर्याने दखल घेऊन रात्री अकरा वाजेपर्यंत मुलींचा शोध घेण्यासाठी बीट मार्शल, सर्व पोलीस स्टेशनमधील गस्त कर्मचारी आणि पोलीस अधिकाऱ्यांसोबत वायरलेसवरून संपर्कात राहून मुली शोधण्यासाठी प्रयत्न करण्यास सांगितले. तसेच मुली शोधणाऱ्यास ५० हजार रुपयांचे बक्षीस जाहीर केले होते. रात्री अकरा वाजेच्या सुमारास पोलिसांनी चारही मुलींचा शोध घेतला. चारही मुली सुरक्षित असून, पालकांच्या ताब्यात देण्यात आल्याची माहिती सूत्रांनी दिली आहे.
....