नागपूर : आईसोबत पायदळ जात असलेल्या विवाहित महिलेचे मंगळसूत्र पळविल्याची घटना हुडकेश्वर पोलीस ठाण्याच्या हद्दीत घडली. लेशा विनोद कळमकर (वय ४०, रा. रामटेक) या आपली आई आशा मोधरे यांच्यासोबत बुधवारी दुपारी पावणेतीन वाजता दुर्गेश नंदिनीनगर येथील माहेरी जात होत्या. हुडकेश्वरच्या बेलदारनगरजवळ बाईकवर दोन युवक लेशा यांच्याजवळ आले. त्यांच्या गळ्यातील ८० हजार रुपये किमतीचे मंगळसूत्र हिसकावून त्यांनी पळ काढला. हुडकेश्वर पोलिसांनी लुटमारीचा गुन्हा दाखल केला आहे.
...........
घरमालक बाहेरगावी चोरटे घरात
नागपूर : कुटुंबासह अमरावतीला गेलेल्या व्यक्तीच्या घरात चोरी करून रोख रकमेसह ३.१३ लाखांचे दागिने पळविल्याची घटना अजनी पोलीस ठाण्याच्या हद्दीत घडली. अमित खेडीकर (वय ४१) रा. सद्भावनानगर हे २८ ऑगस्टला कुटुंबासह अमरावतीला गेले होते. चोरट्यांनी घराचे कुलूप तोडून रोख १.७४ लाख आणि दागिन्यांवर हात साफ केला. ३० ऑगस्टला या घटनेची माहिती खेडीकर यांना समजली. त्यांनी दिलेल्या तक्रारीवरून अजनी पोलिसांनी चोरीचा गुन्हा दाखल केला आहे.
...........