लोकमत न्यूज नेटवर्क
नागपूर : काटोल तालुक्यातील सर्वांचे शिरोमणी ठरलेले आणि जम्मू-काश्मीर राज्यातील गुरेज सेक्टरमध्ये भारतीय सेनेत कार्यरत नायक भूषण रमेश सतई हे पाकिस्तानकडून झालेल्या भ्याड हल्ल्यात शहीद झाले. त्यांचे पार्थिव सोमवार, १६ रोजी सकाळी ८ वाजता काटोल येथील निवासस्थानी येणार असून अंत्ययात्रा सकाळी १० वाजता शहीद भूषण यांच्या श्रीकृष्णनगर, फैलपुरा निवासस्थानाहून निघणार आहे.
अंत्ययात्रा नगरभव, जैन मंदिर चौक, स्टेट बँक चौक, रुईया हायस्कूल चौक, गर्ल्स होस्टेल, गुरांचा दवाखाना, गळपुरा, दोडकीपुरा, आंबेडकर चौक, हुतात्मा स्मारक, पोलीस स्टेशन, अंबालाल पटेल बिल्डिंग, सरस्वती महाद्वार चौक, बस स्टॅण्ड, रेस्ट हाऊस, धवड पेट्रोल पंप, यादव पेट्रोल पंप या मार्गाने दहनस्थळावर जाणार आहे. अंत्ययात्रा घरासमोरून जाईल तेव्हा पुष्पवृष्टी करावी आणि कोरोना प्रादुर्भाव लक्षात घेऊन सोशल डिस्टन्सिंगचे पालन करावे, असे सांगण्यात आले आहे.