लोकमत न्यूज नेटवर्कनागपूर : विधानसभेसाठी २१ ऑक्टोबर रोजी मतदान होत आहे. शहर व जिल्ह्यातील मतदारसंख्येत लक्षणीय वाढ झाली आहे. त्यातुलनेत यावेळी मतदानाची टक्केवारी वाढावी,अशी अपेक्षा आहे. यासाठी प्रत्येकाने आपला मतदानाचा हक्क बजावावा व लोकशाही बळकट करण्यासाठी आपला सहभाग नोंदवावा, असे आवाहन शासकीय यंत्रणेतील वरिष्ठ अधिकाऱ्यानी केले आहे.आपलं एक एक मत देशाचे भवितव्य ठरवीत असतं. राज्यघटनेने सर्वांना समान मताचा अधिकार दिला आहे. तो अधिकार बजावणे प्रत्येक नागपूरकरांचे कर्तव्य आहे. नागपूरकर मतदानाचा उच्चांक गाठून हे म्हणणे खरे ठरवतील, असा विश्वासही मान्यवरांनी व्यक्त केला आहे.
कर्तव्य म्हणून मतदान कराविधानसभेसाठी २१ ऑक्टोबरला मतदान होत आहे. लोकशाही प्रक्रियेत नागरिकांनी अधिकार म्हणूनच नव्हे तर कर्तव्य म्हणून नागरिकांनी व कर्मचाऱ्यांनी मतदान करावे. कोणत्याही प्रलोभनाला बळी न पडता निर्भयपणे मतदान करावे.अभिजित बांगर, मनपा आयुक्तलोकशाही बळकट करालोकशाही प्रक्रियेत मतदान ही सर्वोच्च शक्ती आहे. कर्मचारी व नागरिकांनी मतदानाचे परमकर्तव्य बजावून लोकशाही अधिक बळकट करण्यासाठी हातभार लावावा.शीतल तेली-उगले, महानगर आयुक्त, एनएमआरडीएलोकशाहीला सुदृढ करालोकशाहीत प्रत्येकाला मतदान करण्याचा अधिकार मिळाला आहे.मिळालेल्या अधिकाराचा वापर २१ तारखेला प्रत्येकाने मतदान करून लोकशाहीला अधिक सुदृढ करावेरवींद्र ठाकरे, जिल्हाधिकारीमतदान हक्क बजावून देशसेवा करासंविधानाने प्रत्येकाला मतदानाचा अधिकार दिला आहे. विधानसभा निवडणुकीत सर्वांनी मोठ्या प्रमाणात मतदान हक्क बजावून देशसेवा करावी.प्रा. आशिष मासूरकर, कुलगुरू पशु व मत्स्य विद्यापीठमतदान करून लोकशाही सुदृढ करालोकशाही सुदृढ करण्यासाठी प्रत्येकाने मतदान करून मतदानाचा हक्क बजावावा, विद्यार्थ्यांनी आपल्या कुटुंबातील सदस्यांना यासाठी प्रेरित करावे.डॉ. काणे, कुलगुरू राष्ट्रसंत तुकडोजी महाराज नागपूर विद्यापीठनिर्भयपणे मतदान करानागरिकांनी कोणत्याही प्रकारच्या दडपणाला अथवा आमिषाला बळी न पडता निर्भयपणे मतदान करावे. कुणी काही धाक दाखवत असल्यास किंवा गैरप्रकार करीत असल्यास तात्काळ पोलिसांना कळवावे.डॉ. भूषणकुमार उपाध्याय, पोलीस आयुक्त नागपूर