लोकमत न्यूज नेटवर्क
नागपूर : महापालिकेतर्फे जागतिक रक्तदान दिवसाच्या निमित्ताने महापौर कक्षात सोमवारी महापौर दयाशंकर तिवारी यांनी १०८ वेळा रक्तदान करणारे डॉ. बाळकृष्ण महाजन यांचा सत्कार केला. यावेळी गांधीबाग झोनच्या सभापती श्रद्धा पाठक, सामाजिक कार्यकर्ता बृजभूषण शुक्ल उपस्थित होते. महाजन यांच्या कार्याचा गौरव करून त्यांच्या कार्यातून युवक प्रेरणा घेतील, असा विश्वास महापौरांनी व्यक्त केला.
डॉ. महाजन यांनी पहिल्यांदा सन १९७८ मध्ये एक एनसीसी कॅडेटच्या प्राणाची रक्षा करण्यासाठी रक्तदान केले होते. त्यानंतर त्यांनी रक्तदानाचा आपला प्रयत्न सुरू ठेवला. युवकांनी रक्तदानासाठी पुढे येऊन नागरिकांच्या जिवाचे रक्षण करावे, असे आवाहन महाजन यांनी यावेळी केले.