माैदा : वेगात असलेला ट्रक राेडच्या मध्यभागी उभ्या असलेल्या ट्रकवर मागून धडकला. त्यात गंभीर जखमी झालेल्या ट्रकचालकाचा मृत्यू झाला. ही घटना माैदा पाेलीस ठाण्याच्या हद्दीतील नागपूर-भंडारा महामार्गावरील कढाेली शिवारात घडली.
यशवंत शामलाल यादव (३२, रा. जरीपटका, नागपूर) असे मृत ट्रकचालकाचे नाव आहे. ताे एमएच-४०/वाय-९२४२ क्रमांकाच्या ट्रकने भंडाऱ्याहून नागपूरला जात हाेता. कढाेली (ता. कामठी) शिवारात एमएच-३६/१२०१ क्रमांकाचा ट्रक काेणतीही सुरक्षा व्यवस्था न करता राेडच्या मध्यभागी उभा केला हाेता. यशवंतला अंधारात ताे ट्रक व्यवस्थित न दिल्याने त्याचा ट्रक उभ्या ट्रकवर मागून धडकला. त्यात यशवंत ट्रकच्या केबिनमध्ये फसल्याने गंभीर जखमी झाला. माहिती मिळताच पाेलिसांनी घटनास्थळ गाठून त्याला केबिनमधून बाहेर काढले व उपचारासाठी माैदा शहरातील शासकीय रुग्णालयात आणले. तिथे डाॅक्टरांनी तपासणी त्याला मृत घाेषित केले. याप्रकरणी माैदा पाेलिसांनी ट्रकचालक राेशन शेंडे विरुद्ध भादंवि २८३, ३०४ (अ) अन्वये गुन्हा दाखल केला असून, या घटनेचा तपास पाेलीस उपनिरीक्षक नितीन आगासे करीत आहेत.