नागपूर : हप्ता वसुली करणाऱ्या गुंडाचा खून करणाऱ्या अल्पवयीन विद्यार्थ्याच्या साथीदारांना वाठोडा पोलिसांनी ५ जानेवारीपर्यंत ताब्यात घेतले आहे. मंगळवारी दुपारी वाठोडा येथील श्रावणनगरात पक्या ऊर्फ प्रकाश कोसरे, प्रिन्स ऊर्फ अजय बोकडे, फल्ली ऊर्फ विशाल गुप्ता यांनी आपल्या अल्पवयीन साथीदारांच्या मदतीने हसनबाग निवासी २३ वर्षीय मो. आकिबचा गळा कापून खून केला होता. आकिब अल्पवयीन मारेकऱ्यास पैशाची मागणी करून त्रास देत होता. अल्पवयीन मारेकऱ्यास बाल सुधार गुहात पाठविण्यात आले आहे. अन्य साथीदारांना आज न्यायालयात हजर करण्यात आले. न्यायालयाने त्यांना पोलिसांच्या ताब्यात पाठविले आहे.
--------------
गुन्हेगारांचा प्रतिस्पर्ध्यावर हल्ला
नागपूर : गुन्हेगारांनी पत्नीला त्रास देणाऱ्या प्रतिस्पर्धीवर जीवघेणा हल्ला केला. ही घटना लकडगंज येथील जुनी मंगळवारीतील आहे. जखमी मनोज बबलू सतनामी (२९) रा. जुनी मंगळवारी आहे तर आरोपी रफीक बाबा, अशोक उईके व जुगनू हे आहेत. अशोक उईकेच्या पत्नीस मनोज काही दिवसापासून त्रास देत होता. त्यामुळे अशोक रफीक व जुगनू सोबत मनोजच्या घरी गेले. वादविवादात त्यांनी मनोजवर चाकूने हल्ला केला आणि तिघेही फरार झाले. लकडगंज पोलीसांनी खुनाच्या प्रयत्नाचा गुन्हा नोंदविला असून, रफीकला अटक केली आहे.