नागपूर : आरोपींच्या अटकेनंतर अवघ्या ५० रुपयांसाठी पिंटूचे अपहरण आणि हत्या झाल्याचे उघड झाले. पिंटू आधी हातठेल्यावर चायनिज विकायचा. नंतर त्याने टाटा मॅजिक वाहन खरेदी केले. त्यामुळे त्याने आपला हातठेला आरोपी इद्रिसला दिला. हा हातठेला इद्रिसला द्यावा म्हणून आरोपी पांडेय आणि शाहू यांनीही आग्रह धरला होता. त्याचा किराया देण्यासाठी मात्र इद्रिस कुरबूर करीत होता. दरम्यान, मालवाहू वाहन खरेदी केल्यानंतर पिंटूला दारूचे व्यसन जडले. त्यामुळे तो आरोपींकडून हातठेल्याच्या किरायाच्या बदल्यात दारूसाठी पैसे मागायचा. ते दिले नाही तर त्याचा आरोपीसोबत वाद व्हायचा. आरोपींनी त्याला दारूचे व्यसन भागविण्यासाठी पैसे दिल्यास नशेत तो हातठेल्याच्या पैश्याचा व्यवहार विसरायचा. असे वारंवार व्हायचे. बुधवारी रात्रीही असेच झाले. पिंटूने आरोपींना दारूसाठी ५० रुपये मागितले. आरोपींनी त्याला नकार दिल्याने एकमेकांना शिवीगाळ, देख लेंगे अशी धमकीही दिली. त्यानंतर पिंटू तेथून निघून गेला. पिंटू चार चौघात शिवीगाळ करतो, धमकी देतो, त्याचे हे नेहमीचेच असल्याने आरोपींनी त्याचा काटा काढण्याचा कट रचला. त्यानुसार, बुधवारी रात्री ८ वाजताच्या सुमारास सर्व आरोपींनी पिंटूला चिकित्सालयाच्या बाजूला असलेल्या नाल्याच्या काठावर नेले. तेथे त्याला दारू पाजली अन् त्याच्या डोक्यावर हातोडा मारून त्याला ठार मारले. त्यानंतर मृतदेह एका पोत्यात भरून तो खड्ड्यात टाकला. वरून काटेरी फांद्या टाकून आरोपी निघून गेले. दोन दिवस झाल्यामुळे आरोपी निर्धास्त झाले होते. मात्र, शुक्रवारी अखेर पोलिसांनी त्यांच्या मुसक्या बांधल्या.
५० रुपयांसाठी जीव घेतला अपहरण करून हत्या
By admin | Updated: May 28, 2016 02:56 IST