लाेकमत न्यूज नेटवर्क
सावनेर/कळमेश्वर/उमरेड/काटाेल/हिंगणा/कन्हान/रामटेक/कुही/माैदा/नरखेड :
नागपूर जिल्ह्यातील ग्रामीण भागात काेराेना रुग्णांची संख्या वेगाने वाढत आहे. मंगळवारी (दि. ३०) सावनेर तालुक्याने काेराेना रुग्णांचे त्रिशतक पूर्ण केले असून, कळमेश्वर व उमरेड तालुक्यांनी शंभरी गाठली, तर काटाेल तालुक्याने शतकाच्या दिशेने वाटचाल सुरू केली आहे.
सावनेर तालुक्यात ३२८ काेराेना पाॅझिटिव्ह रुग्णांची नाेंद करण्यात आली असून, त्याखालाेखाल कळमेश्वर तालुक्यात १६१, उमरेड तालुक्यात ११६, काटाेल तालुक्यात ९५, हिंगणा तालुक्यात ७६, कन्हान (ता. पारशिवनी) येथे ६६, रामटेक तालुक्यात ४८, कुही तालुक्यात ३३, माैदा तालुक्यात २८, तर नरखेड तालुक्यात १९ नवीन रुग्णांची नाेंद करण्यात आली.
सावनेर तालुक्यातील ३२८ रुग्णांमध्ये ९० रुग्ण सावनेर शहरातील असून, २३८ रुग्ण ग्रामीण भागातील आहेत. यात बडेगाव प्राथमिक आराेग्य केंद्रांतर्गत गावांमधील २८, खापा प्राथमिक आराेग्य केंद्रांतर्गत गावांमधील २९, केळवद प्राथमिक आराेग्य केंद्रांतर्गत गावांमधील १२, पाटणसावंगी प्राथमिक आराेग्य केंद्रांतर्गत गावांमधील ९१, तर चिचाेली (खापरखेडा) प्राथमिक आराेग्य केंद्रांतर्गत गावांमधील ७८ रुग्णांचा समावेश आहे. विशेष म्हणजे, सावनेर तालुक्यात मंगळवारी एकूण १,०९६ नागरिकांची काेराेना टेस्ट करण्यात आली हाेती.
कळमेश्वर तालुक्यात १६१ रुग्ण आढळून आले. यात कळमेश्वर-ब्राम्हणी शहरातील ३७, तर ग्रामीण भागातील १२४ रुग्ण आहेत. तालुक्यातील धुरखेडा येथे १९, वाढोणा (बु) येथे १५, सावळी (बु) येथे १२, धापेवाडा येथे ११, सुसंद्री येथे ९, सोनपूर येथे ८, बोरगाव (खुर्द), वरोडा व मोहपा येथे प्रत्येकी ५, भडांगी येथे ४, गोंडखैरी, उबाळी व लोणारा येथे प्रत्येकी ३, चौदामैल, सेलू व तिष्टी येथे प्रत्येकी २, तर आष्टी (कला), आदासा, खैरी (लखमा), खानगाव, तिष्टी, खैरी (हरजी), निमजी, उपरवाही, मांडवी, कोहळी, पारडी (देशमुख), पिपळा, परसोडी, वाढोणा, तिडंगी व तेलकामठी येथे प्रत्येकी एक रुग्ण आढळून आला आहे.
उमरेड तालुक्यातही ११६ नवीन रुग्णांची नाेंद करण्यात आली. ही दुसऱ्या टप्प्यातील सर्वाधिक रुग्णसंख्या हाेय. यात शहरातील ७०, तर ग्रामीण भागातील ४६ रुग्णांचा समावेश आहे. या नवीन रुग्णांमुळे तालुक्यातील एकूण काेराेना संक्रमित रुग्णांची एकूण संख्या १,८५५ झाली आहे. यात शहरातील १,०६३ आणि ग्रामीण भागातील ७९२ रुग्ण आहेत.
दुसरीकडे, काेराेनावर मात करणाऱ्या रुग्णांचे प्रमाणही समाधानकारक आहे. शहरातील ८०५ आणि ग्रामीण भागातील ५६२ असे एकूण १,३६७ रुग्ण कोरोनामुक्त झाले आहेत. उर्वरित ४३६ रुग्णांवर औषधोपचार सुरू असून, यात २२५ रुग्ण शहरातील व २११ रुग्ण ग्रामीण भागातील आहेत.
काटाेल तालुक्यानेही शतकाकडे वाटचाल करायला सुरुवात केली आहे. तालुक्यात मंगळवारी ९५ नवीन रुग्ण आढळून आले असून, यातील ३५ रुग्ण शहरातील, तर ६० रुग्ण ग्रामीण भागातील आहेत. काटोल शहरातील ३५ रुग्णांमध्ये पंचवटी येथील नऊ, जानकीनगर येथील सात, पुरुषोत्तम मंदिर परिसर, लक्ष्मीनगर, कडू लेआऊट, धंतोली, सरस्वतीनगर येथील प्रत्येकी दोन, तर मरामायनगर, घोडेप्लॉट, आययुडीपी, काळेचौक, राऊतपुरा, सावरगाव रोड, शनिचौक, गळपुरा, शारदा चौक येथील प्रत्येकी एका रुग्णाचा समावेश आहे. तालुक्यातील कोंढाळी येथील ११, लिंगा येथील नऊ, लाडगाव येथील आठ, मसाळा येथील सात, कलंभा येथील सहा, मुकनी येथील चार, कुकडीपांजरा व रिधोरा येथील प्रत्येकी दोन आणि पारडी (गोतमारे), मसली, दिग्रस, तपनी, कोहळा, वंडली, घरतवाडा, दुधाळा, पारडसिंगा, चिचाळा व मोहखेडी येथील प्रत्येकी एका रुग्णाचा समावेश आहे.
हिंगणा तालुक्यात मंगळवारी ७६ नवीन रुग्णांची नाेंद करण्यात आली. या नवीन रुग्णांमध्ये वानाडोंगरी शहरातील २१, हिंगणा शहरातील १५, डिगडोह येथील १२, इसासनी, रायपूर व मोहगाव येथील प्रत्येकी ४, मांडव-घोराड येथील ३, सुकळी, डेगमा (खुर्द) व वागदरा येथील प्रत्येकी २, नागलवाडी, गुमगाव, नीलडोह, मेटाउमरी, कान्होलीबारा, टाकळघाट व मोंढा येथील प्रत्येकी एक रुग्ण आहे. या नवीन रुग्णांमुळे तालुक्यातील एकूण रुग्णसंख्या ५,७२६ झाली असून, यातील ४,९०३ रुग्ण कोरोनामुक्त झाले आहेत. शिवाय, १२९ रुग्णांचा उपचारादरम्यान मृत्यू झाला. विशेष म्हणजे, तालुक्यात मंगळवारी ठिकठिकाणी ५६० नागरिकांच्या टेस्ट करण्यात आल्या हाेत्या.