लोकमत सखी मंच व युवा नेक्स्टच्या सदस्यांशी साधणार संवाद नागपूर : लवकरच येऊ घातलेल्या ‘इश्क वाला लव्ह’ या चित्रपटातील कलावंत लोकमत सखी मंच आणि युवा नेक्स्टच्या सदस्यांना भेटायला येत आहेत. २९ सप्टेंबरला ही कलावंत मंडळी दिवसा युवा नेक्स्टच्या सदस्यांसोबत तर सायंकाळी सखी मंचच्या सदस्यांसोबत संवाद साधणार आहेत.या चित्रपटातील कलावंत स्वप्नील बांदोडकर, आदिनाथ कोठारे, सुलग्ना पाणिग्रही, रेणू देसाई, आनंद जोशी व मंगेश बोरगावकर यांची ग्रेट भेट सोमवारी सकाळी १० वाजता सक्करदरा येथील कमला नेहरू महाविद्यालयातील युवा नेक्स्ट सदस्यांशी होईल. हेच कलावंत दुपारी १२ वाजता प्रियदर्शिनी जे.एल. कॉलेज आॅफ इंजिनीअरिंगच्या विद्यार्थ्यांशी संवाद साधतील. सायंकाळी ५ वाजता सेंट्रल बाजार रोडवरील विष्णुजी की रसोई येथे सखी मंच सदस्यांच्या भेटीसाठी येणार आहेत. मात्र यात सहभागी होऊ इच्छिणाऱ्या सखींनी दूरध्वनीद्वारे आपल्या नावाची नोंदणी करणे आवश्यक आहे. प्रथम येणाऱ्या सखींनाच प्राधान्य दिले जाणार आहे. नाव नोंदणी आणि अधिक माहितीसाठी ९८२२४०६५६२ किंवा ९९२२९१५०३५ किंवा ९८५०३०४०३७ या क्रमांकावर संपर्क साधावा. या कार्यक्रमासाठी विशेष सहकार्य बापूराव देशमुख कॉलेज वर्धा, कमला नेहरू महाविद्यालय, प्रियदर्शिनी जे.एल. इंजिनीअरिंग कॉलेज व विष्णू मनोहर यांचे लाभले आहे. (प्रतिनिधी)
‘इश्क वाला लव्ह’ कलावंतांची ग्रेट भेट
By admin | Updated: September 28, 2014 01:05 IST