हुश्श..झाली एकदाची परीक्षा

वैद्यकीय अभ्यासक्रमांमध्ये प्रवेशासाठी अनिवार्य असलेली 'एमएच-सीईटी' ही प्रवेशपरीक्षा गुरुवारी सुरळीतपणे पार पडली.

नागपूर : वैद्यकीय अभ्यासक्रमांमध्ये प्रवेशासाठी अनिवार्य असलेली 'एमएच-सीईटी' ही प्रवेशपरीक्षा गुरुवारी सुरळीतपणे पार पडली. 'डीएमईआर'तर्फे (डायरेक्टोरेट ऑफ मेडिकल एज्युकेशन अँन्ड रिसर्च) घेण्यात आलेल्या या परीक्षेत नागपूर विभागातील १४ हजार ८१ विद्यार्थी उपस्थित होते. नागपूर जिल्ह्यातील ६ हजार ३६0 विद्यार्थ्यांनी उपराजधानीतील परीक्षा केंद्रांवर परीक्षा दिली. गुरुवारी सकाळी १0 वाजता परीक्षा सुरू झाली. परंतु 'डीएमईआर'ने दिलेल्या निर्देशांनुसार सर्व परीक्षा केंद्रांवर सकाळी ९ वाजल्यापासून विद्यार्थी व पालकांची गर्दी झाली होती. अर्धा तास अगोदर विद्यार्थ्यांना परीक्षा केंद्राच्या आत प्रवेश देण्यात आला. ठीक १0 वाजता परीक्षेला आरंभ झाला. शहरातील सर्वच केंद्रांवर अगदी निर्विघ्नपणे परीक्षा पार पडली. कुठल्याही केंद्रावरून अनुचित प्रकार घडल्याची माहिती समोर आली नाही. नागपूर जिल्ह्यातील एकूण ६ हजार ५६३ विद्यार्थ्यांपैकी २0३ विद्यार्थी परीक्षेला अनुपस्थित असल्याची माहिती सूत्रांनी दिली. नागपूर विभागात १४,४६१ पैकी ३८0 विद्यार्थी अनुपस्थित होते.थोडा उत्साह, थोडी भीतीपहिल्यांदाच ही परीक्षा होत असल्यामुळे विद्यार्थांमध्ये थोडा उत्साह अन् थोडी भीती असे वातावरण होते. परंतु १ वाजता बाहेर पडताना अनेक विद्यार्थ्यांच्या चेहर्‍यावर मोठे दडपण दूर झाल्याचे भाव होते. 'एआयपीएमटी'च्या तुलनेत 'एमएच-सीईटी'चा पेपर सोपा असल्याचे मत विद्यार्थ्यांनी व्यक्त केले. विशेषत: रसायनशास्त्र व जीवशास्त्राचा पेपर चांगला केला. केवळ भौतिकशास्त्राचा पेपर थोडा कठीण वाटला, असे काही विद्यार्थ्यांनी सांगितले.पालकांचीदेखील परीक्षाही परीक्षा द्यायला नागपूर जिल्ह्यातील निरनिराळ्या ठिकाणांहून विद्यार्थी आले होते. शहरात आभाळ असल्याने ऊन जरी फारसे तापले नसले तरी उकाडा मात्र कायम होता. त्यामुळे विद्यार्थ्यांना सोडायला आलेल्या पालकांची परीक्षा केंद्रांच्या बाहेर परीक्षाच झाली. अनेकांनी तर तीन तास जवळील झाडाखाली बसूनच घालवला. (प्रतिनिधी) जिल्हा उपस्थित अनुपस्थितनागपूर ६,३६0 २0३चंद्रपूर २,१0२ ४७वर्धा १,५१२ ३१भंडारा १,७६८ ४२गोंदिया १,६७४ ३६गडचिरोली ६६५ २१एकूण १४,0८१ ३८0