लोकमत सखी मंचच्या सदस्यता नोंदणीला प्रचंड प्रतिसाद : वार्षिक नोंदणीसाठी आज अखेरचा दिवसनागपूर : महिलांच्या सर्वांगीण विकासासाठी समर्पित लोकमत सखी मंचच्या वार्षिक सदस्यता नोंदणी कार्यक्रमाला शनिवारी शहरात प्रचंड प्रतिसाद लाभला. लोकमत सखी मंचच्यावतीने शहरातील सर्व भागात १९ केंद्रांवर सदस्यता नोंदणी करण्यात आली. याप्रसंगी सकाळपासून सायंकाळपर्यंत मोठ्या संख्येने सखींची केंद्रांवर गर्दी झाली होती. लोकमत सखी मंचच्या सदस्यांमध्ये प्रत्येक वयोगटाच्या महिलांचा सहभाग आहे. यासोबत यात गृहिणी, व्यावसायिक आणि नोकरी करणाऱ्या महिलांचाही सहभाग आहे. सखी मंचचे एकदा सदस्य झाल्यानंतर त्यांना लोकमत सखी मंचपासून दूर जाण्याची इच्छा होत नाही. ज्या सखी लोकमत सखी मंचशी जुळलेल्या नाहीत त्यांना मंचची सदस्यता मिळावी म्हणून नोंदणीच्या कार्यक्रमाची त्या आतुरतेने प्रतीक्षा करीत असतात. शनिवारचा दिवस असाच बहुप्रतीक्षित होता. अनेक केंद्रांवर उत्साहाने सकाळपासून नव्याने सदस्य होणाऱ्या महिलांनी नोंदणी करून लोकमत सखी मंचशी जुळल्याचा आनंद व्यक्त केला. लोकमत भवन येथील लोकमत सखी मंचच्या कार्यालयात शुक्रवारी सखींना आकर्षक ओळखपत्र देऊन सदस्यता नोंदणीला प्रारंभ करण्यात आला. याप्रसंगी प्रामुख्याने नगरसेवक प्रगती पाटील, धरमपेठ महिला बँकेच्या अध्यक्ष आणि नगरसेवक नीलिमा बावणे, युनिक स्लिम पॉर्इंट अॅन्ड ब्युटी क्लिनिकच्या संचालक डॉ. रिचा जैन, कुसुमताई बोदड लोकसेवा प्रतिष्ठानच्या आरती बोदड, रोकडे ज्वेलर्सचे सर्वेसर्वा राजेश रोकडे आणि अनामिका रोकडे, निकालस अलंकारच्यावतीने अशोक गगलानी उपस्थित होते.
हाऊसफुल्ल
By admin | Updated: February 14, 2016 03:16 IST