वीरता, बलिदानाच्या भावनेचा सांगितिक आविष्कार

वीरता, बलिदान, आनंद आणि रोमांच या भावनेचा सांगितिक आविष्कार असलेला आय लव्ह माय इंडिया

आय लव्ह माय इंडिया : लोकमत सखी मंच, युवा नेक्स्ट, जयहिंद फाऊंडेशन व जैन क्लबचे आयोजन नागपूर : वीरता, बलिदान, आनंद आणि रोमांच या भावनेचा सांगितिक आविष्कार असलेला आय लव्ह माय इंडिया हा विशेष कार्यक्रम आज गुरुवारी वसंतराव देशपांडे सभागृहात सादर झाला. लोकमत सखी मंच, लोकमत युवा नेक्स्ट, जय हिंद फाऊंडेशन आणि जैन क्लब यांच्या संयुक्त विद्यमाने या कार्यक्रमाचे आयोजन करण्यात आले होते. यावेळी प्रसिद्ध पार्श्वगायक देव नेगी आणि स्थानिक गायकांनी आपल्या गीतांच्या माध्यमातून श्रोत्यांच्या मनातील देशप्रेमाची ज्योत आणखी प्रज्वलित केली. या कार्यक्रमाला प्रमुख अतिथी म्हणून मेट्रो रेल्वेचे अध्यक्ष ब्रजेश दीक्षित, आमदार कृष्णा खोपड़े, डीसीपी दीपाली मासिरकर, माजी मंत्री अनिस अहमद, गिरीश गांधी, व्यवसायी सुदत्ता रामटेके, व्यवसायी सर्वेश अग्रवाल, सुरेन्द्र लोढ़ा, जयहिंद फाऊंडेशनचे अध्यक्ष अतुल कोटेचा, जैन क्लबचे अध्यक्ष संजय पुगलिया, सचिव राजन ढड्ढा, विजयकुमार सुराना, नरेश भरुट उपस्थित होते. स्वागत सत्राचे संचालन दिलीप रांका यांनी केले. यावेळी जैन क्लबच्या डिरेक्टरीचे विमोचन करण्यात आले. कार्यक्रमाच्या प्रारंभी कलावंतांनी देशभक्तिपर गाण्यांवर नृत्य सादर केले. यानंतर नागपूरची गायिका धनश्री देशपांडे हिने ‘वैष्णव जन तो तेणे कहिए जे पीर पराई जाणे रें’गाण्याने गायनाची सुरुवात केली. यानंतर विजय चिवंडे, विक्रम जोशीने सोबतीने ‘ये देश है वीर जवानों का’ हे गीत गायले तेव्हा अवघ्या सभागृहात एक वेगळाच उत्साह संचारला. युवा पार्श्वगायक देव नेगी हा ‘बॉर्डर’चित्रपटाचे गीत ‘संदेसे आते हैं हमें तड़पाते हैं’ गात मंचावर आला. यानंतर त्याने ‘ऐ मेरे प्यारे वतन, ऐ मेरे बिछड़े चमन’ ही गाणी गाऊन श्रोत्यांना मंत्रमुग्ध केले. याच क्रमात पुढे ‘जिंदगी मौत ना बन जाए संभालो यारों’, ‘हमें तुमसे प्यार कितना ये हम नहीं जानते’, ‘तुम जो मिल गए हो’, ‘पुकारता चला हूं मैं’, ‘आज मौसम बड़ा बेईमान है’ आदी गीत सादर केले. या गायकांना अमर रोडे, महेन्द्र ढोले, नंदू गोहाणे, अशोक टोकलवार यांनी सुरेख साथसंगत केली. या संगीत संध्येचे संचालन श्वेता शेलगावकर यांनी केले. या कार्यक्रमाला लोढ़ा थैरमैक्स आणि आईएआईएफडी, आर्या मैन्स, वेदा वूमेन्स वर्ल्ड, साहिल आॅप्टिकल, आॅरेंज एण्ड कॉटन, महावीर मेवावाला यांचे सहकार्य लाभले. या कार्यक्रमाच्या यशस्वी आयोजनासाठी नरेश भरुट, संजय नाहटा, रजनीश जैन, भागचंद जैन, कमलसिंह चोपड़ा, घनश्याम मेहता, मनीष छल्लानी, जितेन्द्र गुगलिया, सुभाष कोटेचा, दिनेश छाजेड़, संजय टक्कामोरे, राकेश जैन, सुनील जैन, अनिस छाजेड़, प्रमोद,, मनीष छल्लानी, जितेन्द्र गुगलिया, सुभाष कोटेचा, दिनेश छाजेड़, संजय टक्कामोरे, राकेश जैन, सुनील जैन, प्रमोद तातेड़, लोकेश बरडिया, अरिहंत बैद, कुमार डागा, आकाश चौरिया, अश्विन जवेरी, राजू वाजूरकर, श्रीकांत ढोलके यांनी सहकार्य केले.(प्रतिनिधी)