माेवाड : डिगडाेह (ता. हिंगणा) येथील लता मंगेशकर हाॅस्पिटलच्यावतीने माेवाड (ता. नरखेड) येथील नगर परिषद उच्च माध्यमिक शाळेच्या आवारात राेगनिदान व रक्तदान शिबिराचे आयाेजन करण्यात आले हाेते. त्यात १९५ नागरिकांची माेफत आराेग्य तपासणी करण्यात आली असून, १५ तरुणांनी रक्तदान केले. यातील ११० रुग्णांची पुढील उपचारासाठी निवड करण्यात आली असून, त्यांच्यावर लता मंगेशकर हाॅस्पिटलमध्ये माेफत उपचार करण्यात येणार असल्याचे यावेळी स्पष्ट करण्यात आले.
या शिबिरात नागरिकांची बालरोग, अस्थिरोग, नाक, कान व घसा, दंतरोग, नेत्ररोग यासह इतर विभागातील तज्ज्ञ व वरिष्ठ डॉक्टरांकडून तपासणी करण्यात आली. गरजूंना माेफत औषधेही देण्यात आली. पुढील उपचारासाठी निवड करण्यात आलेल्या ११० रुग्णांवर माेफत शस्त्रक्रिया केली जाणार असून, त्यांच्याकडून जनरल वाॅर्ड शुल्क घेतला जाणार नाही. भरती करण्यात आलेल्या रुग्णांना रक्ताची तपासणी, एमआरआय, सिटी स्कॅन व इतर निदानासाठी आवश्यक असलेल्या टेस्ट नि:शुल्क आहे. त्यांना आयुष्मान भारत योजना, महात्मा फुले जनआरोग्य योजनेचा लाभ देण्यात येईल. ओपीडीमध्ये रक्त व इतर सर्व प्रकारच्या चाचण्यांवर ५० टक्के सूट देण्यात येईल, असेही सांगण्यात आले. याप्रसंगी काेराेना संक्रमण काळात नागरिकांना सेवा प्रदान करणाऱ्यांचा गाैरव करण्यात आला. उद्घाटन माजी आमदार डॉ. आशीष देशमुख यांच्या हस्ते करण्यात आले. प्रमुख अतिथी म्हणून दिनकर राऊत, नगर पालिकच्या मुख्याधिकारी पल्लवी राऊत, सुरेश खसारे, रवींद्र वैद्य, डॉ. सुधीर साठोणे, दीपक बेले, पुरुषोत्तम बागडे, इस्माईल शेख, रवी माळाेदे, हिराचंद कडू, नामदेव वाडबुधे, मुख्याध्यापक दारोकर, फिरोज दिवाण, पुष्पा लुंगे, रमेश राजगुरू, डॉ. देवके, डॉ. किशोर ढोबळे, डॉ. केतन दागडिया, डाॅ. रामटेके, मीना पवार, श्यामल मेंढे, बी. डी. मांढळे उपस्थित हाेते. यशस्वितेसाठी लेखराज बोरकर, गोलू डुहिजोड, ललित खंडेलवाल, सुनील चुऱ्हे, दिलीप बनाईत, रमेश जिचकार यांनी सहकार्य केले.