कळमेश्वर : भरधाव अज्ञात वाहनाने जाेरात धडक दिल्याने राेही गंभीर जखमी झाला. ही घटना कळमेश्वर पाेलीस ठाण्याच्या हद्दीतील माेहपा-सावनेर मार्गावर शुक्रवारी (दि. २७) दुपारी घडली.
माेहपा (ता. कळमेश्वर) भागात काही वन्यप्राण्यांचा वापर आहे. त्यातच वाट भटकलेला राेही राेडने जात असताना भरधाव अज्ञात वाहनाने त्याला धडक दिली. ताे जखमी अवस्थेत पडून असल्याचे दिसताच या भागातील शेतकऱ्यांनी वन कर्मचाऱ्यांना माहिती दिली. त्यामुळे वनपरिक्षेत्र अधिकारी अर्चना नाैकरकर यांनी सहकाऱ्यांसह घटनास्थळ गाठून पाहणी केली. त्या राेह्याचे वय अंदाजे पाच वर्षे असल्याची माहिती अर्चना नाैकरकर यांनी दिली. वनरक्षक पी. एम. वावधने, गजानन मानकर व वनमजूर बी. एस. बोरकर यांनी पंचनामा करून त्या राेह्याला नागपूर येथील ट्रँझिट ट्रीटमेंट सेंटरमध्ये रवाना केले.