राष्ट्रीय ओबीसी महासंघ ()
- नागपूर येथील संत गाडगेबाबा धर्मशाळा येथे राष्ट्रीय ओबीसी महासंघ द्वारा आणि इतर बंधू यांच्यामार्फत संत शिरोमणी गाडगे बाबा यांना विनम्र अभिवादन करण्यासाठी कार्यक्रमाचे आयोजन करण्यात आले. याप्रसंगी गाडगेबाबांना अभिवादन करून परमेश्‍वर राऊत यांनी संत गाडगे महाराजांच्या जीवनावर प्रकाश टाकला. महासंघाचे समन्वयक शरद वानखेडे यांनी गाडगेबाबा, विभूती नसून ते एक कृती पुरुष असल्याचे सांगितले. माजी नगरसेवक नाना झोडे तसेच राष्ट्रीय ओबीसी महासंघाचे शहराध्यक्ष ईश्वर ढोले, विदर्भाचे कार्याध्यक्ष शकील पटेल, विदर्भाचे उपाध्यक्ष गणेश नाखले, प्राध्यापक अरुण वराडे गजानन कांबळे याप्रसंगी उपस्थित होते.
आंबेडकरी विचार मोर्चा
आंबेडकरी विचार मोर्चातर्फे संत गाडगे बाबा यांच्या जयंतीनिमित्त अभिवादन करण्यात आले. मेडिकल चौकशेजारी असलेल्या संत गाडगे बाबा धर्मशाळा येथील पुतळाल्या पुष्पहार अर्पण करण्यात आला. यावेळी राष्ट्रीय अध्यक्ष नारायण बागडे, प्रदेश उपाध्यक्ष नामदेवराव निकोसे, मामासाहेब मेश्राम, प्रा.अनुप थूल, रामदास जोगदंड, नरेश गोटेकर, राजू शेवतकर उपस्थित होते.