..............
सोनेगाव तलावात मृतदेह आढळला
नागपूर : सोनेगाव तलावात एका इसमाचा मृतदेह आढळल्याप्रकरणी सोनेगाव पोलिसांनी अकस्मात मृत्यूची नोंद केली आहे. रमेश परिहार (४५) रा. जुनी वस्ती सोनेगाव यांचा मृतदेह शनिवारी सकाळी नऊ वाजता सोनेगाव तलावात तरंगताना आढळला. या प्रकरणी अशोक बापुराव बावणे (४५) यांनी दिलेल्या सुचनेवरून सोनेगाव पोलिसांनी अकस्मात मृत्यूची नोंद करून तपास सुरु केला आहे.
.............
दुचाकीवरून पडून महिलेचा मृत्यू
नागपूर : दुचाकीवरून जात असताना दुचाकी उसळल्यामुळे खाली पडून जखमी झालेल्या महिलेचा उपचारादरम्यान मृत्यू झाला आहे. लता श्रीकृष्ण घरत (५०) रा. हिंगणा रोड वानाडोंगरी असे मृतक महिलेचे नाव आहे. त्या श्रीकृष्ण घरत याचेसोबत २० जूनला सकाळी १०.३० वाजता उमरेड येथे लग्नासाठी जात होत्या. दरम्यान विहिरगाव पुल, बसस्टॉपजवळ ब्रेकरवरून गाडी उसळल्यामुळे लता खाली पडून जखमी झाल्या. त्यांना उपचारासाठी एका खासगी रुग्णालयात भरती करण्यात आले. तेथे उपचारादरम्यान त्यांचा मृत्यू झाला. हुडकेश्वर पोलिसांनी अकस्मात मृत्यूची नोंद केली आहे.
............