रेशीमबाग चौक मेडिकल चौकाकडे जाणाऱ्या रस्त्याच्या मधे अशोक चौक आहे. चौकाच्या बाजूला मोकळ्या जागी राजे सम्राट अशोक यांचा पुतळा उभारण्यात यावा. त्याने चौकाची शोभा वाढविण्यास मदत होईल आणि इतिहासाची माहितीसुध्दा मिळेल. शिष्टमंडळात मध्य नागपूर अध्यक्ष शुभम अनिल वाघमारे, उपाध्यक्ष प्रणय पांढरे, पराग वानखेडे, नागपूर शहर विद्यार्थी अध्यक्ष विनोद हजारे, राहुल थोटे, चेतन काळे, रोहित वाघमारे, केतन जुगेले, प्रीती काकडे आदी उपस्थित होते.
श्री द्वारकाधीश महानुभाव मंदिरात रक्तदान शिबिर ()
नागपूर : श्री द्वारकाधीश महानुभाव मंदिर गादा ता. कामठी व्दारे वसंतपंचमीनिमित्त रक्तदानन शिबिर आयोजित करण्यात आले. राजेश बा. काकडे यांच्या नेतृत्वाखाली घेण्यात आलेल्या या शिबिरात कोरोना काळात निर्माण झालेला रक्ताचा तुटवडा भरून काढण्याचा निर्धार व्यक्त करण्यात आला. जनतेने रक्तदान करावे, असे आवाहन काकडे यांनी केले. यावेळी ९८ जणांनी रक्तदान केले. प्रास्ताविक दिनेश इंगळे यांनी केले. आभार जय मेथिया यांनी मानले. कार्यक्रमासाठी रोशन शाहू, शिव राऊत, प्रवीण डंभारे, संजय अंबाडकर, सूर्यकांत चौधरी, लोकेश दिगडे, सचिन डांगे, विनोद वारकर, दिनेश रॉय, लीना येरपुडे, पल्लवी भोयर, शीला वारकर, प्रीती डंभारे आदींनी परिश्रम घेतले.