संयुक्त कृती समितीचे धरणे आंदोलन
वाडी : केंद्र सरकार देशातील ४१ आयुध निर्माणी कारखान्याचे निगमीकरण करण्याच्या तयारीत आहे. सरकारच्या या भूमिकेचा आयुध निर्माणी कर्मचाऱ्यांकडून मोठ्या प्रमाणात विरोध केला जात आहे. या निर्णयाविरुद्ध संयुक्त कृती समितीच्यावतीने अंबाझरी आयुध निर्माण येथे धरणे आंदोलन करण्यात आले.
सैन्यांना वेळेवर उच्च दर्जाची सामग्री पुरविण्याचे काम आयुध निर्माणी करीत आहे. आयुध निर्माणीचे ८० हजार कर्मचारी हे कार्य करतात. परंतु गत दोन वर्षांपासून या आयुध निर्माणी कारखान्याचे निगमीकरण करण्याच्या मागे केंद्र सरकार लागलेले आहे. सरकारच्या या धोरणाविरोधात रेड युनियन, इंटक युनियन, लोकशाही कामगार संघटना, भारतीय मजदूर संघ यांनी एकत्र येत संयुक्त कृती समिती, ऑर्डनन्स फॅक्टरी, अंबाझरी स्थापन केली आहे. सरकारच्या या निर्णयाविरोधात बेमुदत आंदोलन करण्याचा निर्णय २० जूनला घेण्यात येईल अशी माहिती रेड युनियन नेते बी. बी. मुजुमदार यांनी दिली. गिरीश खाडे, आशिष पाचघरे, बीएमएसचे अध्यक्ष महावीर सिंह, सचिव सचिन डाबरे, आशिष चौधरी, इंटकचे अरविंद सिंग, लोकशाही कामगार युनियनचे जगदीश गजभिये आदी या आंदोलनात सहभागी झाले होते.
===Photopath===
190621\img-20210619-wa0164.jpg
===Caption===
फोटो