लोकमत न्यूज नेटवर्कनागपूर: वर्ल्ड कप स्पर्धेतील भारताचे आव्हान संपुष्टात आल्यानंतर जी गरमागरम चर्चा आहे ती, महेंद्रसिंग धोनी याच्या निवृत्तीची. त्याने निवृत्ती घ्यावी की घेऊ नये याबाबत क्रीडाप्रेमींमध्ये विभिन्न मते व्यक्त केली जात आहेत. या चर्चेत आपले मत नोंदविले आहे, ज्येष्ठतम गायिका लता मंगेशकर यांनी. त्यांनी ट्विटरवर नोंदविलेल्या पोस्टमध्ये, नमस्कार धोनीजी, अलीकडे मी ऐकते आहे, की तुम्ही निवृत्त होत आहात. देशाला तुमच्या खेळाची गरज आहे आणि ही माझीही विनंती आहे की, निवृत्तीचा विचारही मनात येऊ देऊ नका.. असे म्हटले आहे.
त्यांनी दुसºया ट्विटमध्ये, आपण जरी जिंकलेलो नसू तरीदेखील आपण पराभूत झालेलो नाही असे म्हटले आहे. सुप्रसिद्ध गीतकार गुलजार यांनी लिहिलेले एक गीत त्यांनी क्रिकेट टीमला अर्पण केले आहे.