रामटेक : अज्ञात भरधाव ट्रकने दुचाकीला कट मारला. त्यात गंभीररीत्या जखमी झालेल्या दुचाकीस्वाराचा घटनास्थळीच मृत्यू झाला तर अन्य एक जण किरकाेळ जखमी झाला. ही घटना रामटेक पाेलीस ठाण्याच्या हद्दीतील भंडारबाेडी परिसरात मंगळवारी (दि.२) सायंकाळी ४.३० वाजताच्या सुमारास घडली.
समालुराम ऊर्फ गाेलू छेदीराम साेनवणे (३६, रा. नंदापुरी, ता. रामटेक) असे मृताचे नाव असून, राजकुमार शालिकराम मेश्राम (४०, रा. नंदापुरी) असे जखमीचे नाव आहे. मृत समालुराम आणि राजकुमार हे दाेघेही एमएच-४०/पी-४६८३ क्रमांकाच्या दुचाकीने तुमसरवरून रामटेकला येत हाेते. दरम्यान, भंडारबाेडी परिसरात अज्ञात भरधाव ट्रकने त्यांच्या दुचाकीला कट मारला. त्यात दुचाकी अनियंत्रित झाल्याने दाेघेही राेडवर पडले. यामध्ये दुचाकीचालक समालुरामला गंभीर दुखापत झाल्याने त्याचा घटनास्थळीच मृत्यू झाला तर राजकुमार मेश्राम हे किरकाेळ जखमी हाेऊन बेशुद्ध झाले. अपघातानंतर आराेपी ट्रकचालक हा वाहन घेऊन पसार झाला. याप्रकरणी रामटेक पाेलिसांनी भादंवि कलम २७९, ३३७, ३०४ (अ), सहकलम १८४ माेटार वाहन कायद्यान्वये गुन्हा नाेंदविला असून, गुन्ह्याचा पुढील तपास पाेलीस उपनिरीक्षक प्रमाेद राऊत करीत आहेत.