खापरखेडा : रेतीची वाहतूक करणाऱ्या भरधाव वाहनाने सायकलला जाेरात धडक दिली. त्यात सायकलस्वार गंभीर जखमी झाला. ही घटना खापरखेडा (ता. सावनेर) पाेलीस ठाण्याच्या हद्दीतील वारेगाव-काेराडी मार्गावरील बीड बिना शिवारात शनिवारी (दि. २६) सकाळी ८ वाजताच्या सुमारास घडली.
दयाराम दिनबा शेंडे (४२, रा. बीड बिना, ता. कामठी) असे जखमी सायकलस्वाराचे नाव आहे. ते कुटुंबीयांना भेटण्यासाठी सयायकलने वारेगाव मार्गे दिघाेरी, नागपूर येथे जात हाेते. दरम्यान, या मार्गावरील समाजकल्याण विभागाच्या शाळेसमाेर काेराडीच्या दिशेने रेती घेऊन जात असलेल्या भरधाव पिकअपने त्यांच्या सायकलला धडक दिली. त्यात दयाराम शेंडे यांच्या पायाला गंभीर दुखापत झाली. परिसरातील नागरिकांनी घटनेची माहिती पाेलिसांना दिली. पाेलिसांनी घटनास्थळ गाठून दयाराम यांना लगेच नागपूर येथील मेयाे रुग्णालयात भरती करण्याची व्यवस्था केली. या भागात रेतीची चाेरी प्रचंड वाढली असून, त्याकडे महसूल विभागाने दुर्लक्ष केले आहे. याप्रकरणी खापरखेडा पाेलिसांनी वाहनचालकाविरुद्ध गुुन्हा दाखल करून तपास सुरू केला आहे. वृत्त लिहिस्ताे पाेलिसांना त्या पिकअपचा क्रमांक अथवा काेणतीही माहिती मिळाली नव्हती.