ठळक मुद्देभारत माता की जयच्या घोषणा दिल्याकोरोनाशी लढणाऱ्या लढवय्यांना केला सलाम..
लोकमत न्यूज नेटवर्कनागपूर: घड्याळाचा काटा पाचवर गेला आणि घराबाहेर, गच्चीवर, बाल्कनीत जमा झालेल्या नागपुरातील नागरिकांनी टाळ्या व ताटे वाजवून कोरोनाशी लढणाऱ्या लढवय्यांना कृतज्ञतेचा सलाम केला.रविवारी जनता कर्फ्युच्या दिवशी घरात स्वत:ला बंदिस्त करून उपराजधानीतील नागरिकांनी कोरोनाशी लढण्यास आपण सज्ज आहोत हे तर दाखवून दिलेच होते. पाच वाजण्याच्या सुमारास घराबाहेर तयार असलेल्या नागरिकांनी एकच जल्लोष करत टाळ्यांचा कडकडाट केला.