रामनगर जलकुंभाची उद्या स्वच्छता

नागपूर : मनपा व ऑरेंज सिटी वॉटर यांनी जलकुंभ स्वच्छ करण्यासाठी सुरक्षित व शास्त्रीय पद्धत अमलात आणली आहे. या अंतर्गत जलकुंभ स्वच्छता मोहीम हाती घेतली आहे. सोमवारी राम नगर जलकुंभ स्वच्छ केले जाणार आहे. यामुळे सोमवारी या जलकुंभावरून पाणीपुरवठा होणार नाही. यात धरमपेठ त्रिकोणी पार्क , गांधी नगर, हिल टॉप , कारपोरेशन कॉलनी, शिवाजीनगर, खरे टाऊन, भगवाघर ले-आऊट, काचीपुरा स्लम आदी भागाला पाणीपुरवठा होणार नाही. टँकरद्वारे पाणीपुरवठाही शक्य नसल्याने पुरेसा पाणीसाठा करून सहकार्य करण्याचे आवाहन ओसीडब्ल्यूने केले आहे.