लाेकमत न्यूज नेटवर्क
कळमेश्वर : भरधाव ट्रकने विरुद्ध दिशेने येणाऱ्या ॲक्टिव्हाला जाेरात धडक दिली. त्यात राेडवर फेकल्या गेलेल्या दाेन वर्षीय चिमुरडीचा घटनास्थळीच मृत्यू झाला तर तिचे आई, वडील व अन्य एक तरुणी असे तिघे गंभीर जखमी झाले. ही घटना कळमेश्वर शहरातील ब्राह्यणी फाटा टी पाॅईंटजवळ शनिवारी (दि. ३) दुपारी १.३० वाजताच्या सुमारास घडली.
लायबा समशेर शेख (२) असे दुर्दैवी चिमुरडीचे नाव असून, या अपघातात तिची आई अफरोज समशेर शेख (३०), वडील समशेर रहमान शेख (३८) व परविन अजिस शेख (२५), सर्व रा. काेहळी, ता. कळमेश्वर हे तिघे गंभीर जखमी झाले. समशेर, पत्नी अफराेज, मुलगी लायबा व परवीन कामानिमित्त एमएच-४०/एएस-१६३२ क्रमांकाच्या ॲक्टिव्हाने काेहळीहून कळमेश्वरला येत हाेते. समशेर दुचाकी चालवित हाेते तर इतर मागे बसले हाेते.
ते कळमेश्वर शहरातील ब्राह्यणी फाटा टी पाॅईंटजवळ पाेहाेचताच कळमेश्वरहून काटाेलच्या दिशेने वेगात जाणाऱ्या एमपी-०९/एचजे-५५२६ क्रमांकाच्या ट्रकने त्यांच्या ॲक्टिव्हाला जाेरात धडक दिली. यात लायबाचा घटनास्थळीच मृत्यू झाला तर तिचे आई, वडील व अन्य एक तरुणी गंभीर जखमी झाले. माहिती मिळताच पाेलिसांनी घटनास्थळ गाठून तिघांनाही उपचारासाठी तर लायबाचा मृतदेह उत्तरीय तपासणीसाठी कळमेश्वर शहरातील ग्रामीण रुग्णालयात पाठविला. प्रथमाेपचार केल्यानंतर तिघांनाही नागपूर शहरातील शासकीय रुग्णालयात भरती करण्यात आले. याप्रकरणी कळमेश्वर पाेलिसांनी गुन्हा नाेंदवून अपघाताला कारणीभूत ठरलेला ट्रक ताब्यात घेत ट्रकचालकास अटक केली. त्या ट्रकचालकाचे नाव कळू शकले नाही.
...
लायबाच्या डाेक्याला गंभीर दुखापत
ट्रकने ॲक्टिव्हाला धडक देताच लायबा चेंडूसारखी वर फेकली गेली आणि ती डाेक्याच्या भागाने राेडवर आदळली. यात डाेक्याला गंभीर दुखापत झाल्याने तिच्या घटनास्थळीच दुर्दैवी मृत्यू झाला. शिवाय, ॲक्टिव्हा ट्रकच्या समाेरच्या चाकाखाली येण्यावाचून थाेडक्यात वाचले. तिघेही बाहेरच्या भागाला फेकल्या गेल्याने ते जखमी झाले.