वानाडाेंगरी : वेगात असलेल्या सिमेंट मिक्सर मशीनची दुचाकीला एका बाजूला धडक बसली, त्यामुळे दुचाकीवर मागे बसलेला मुलगा त्या मशीनच्या चाकाखाली सापडल्याने त्याचा घटनास्थळीच मृत्यू झाला.
त्याचा माेठा भाऊ भाजीपाला विक्रीचा व्यवसाय करीत असल्याने ताे माेठ्या भावासाेबत भाजीपाला खरेदी करण्यासाठी जात हाेता. ही घटना हिंगणा शहरातील पाेलीस ठाण्यासमाेर शुक्रवारी (दि. २९) सकाळी ९.१५ वाजताच्या सुमारास घडली.
हितेश सुनील भवसागर (१५, रा. भीमनगर, इसासनी, ता. हिंगणा) असे मृताचे नाव आहे. हितेशचा माेठा भाऊ हिमांशू सुनील भवसागर (२०, रा. भीमनगर, इसासनी, ता. हिंगणा) हा भाजीपाला विक्रीचा व्यवसाय करून कुटुंबाला हातभार लावताे. दाेघेही नेहमीप्रमाणे एमएच-४९/एबी-०९०५ क्रमांकाच्या दुचाकीने भाजीपाला खरेदी करण्यासाठी इसासनीहून हिंगणा शहरात जात हाेते. दरम्यान, हिंगणा शहरातील पाेलीस ठाण्यासमाेर टीएन-०१/बीबी-५५८६ क्रमांकाच्या वेगात आलेल्या सिमेंट मिक्सर मशीनने त्यांच्या दुचाकीला एका बाजूला धडक दिली. या सिमेंट मिक्सर मशीनचा दुचाकीला धक्का लागल्याने दुचाकीवर मागे बसलेला हितेश सिमेंट मिक्सर मशीनच्या चाकाखाली आला. त्यात त्याचा घटनास्थळीच मृत्यू झाला. अपघात हाेताच पाेलिसांनी घटनास्थळ गाठले. त्यांनी हितेशचा मृतदेह उत्तरीय तपासणीसाठी हिंगणा येथील ग्रामीण रुग्णालयात पाठविला. शिवाय, गुन्हा नाेंदवून सिमेंट मिक्सर मशीन चालकास अटक केली. या घटनेचा तपास पोलीस उपनिरीक्षक मल्हार डोईफोडे करीत आहेत.