भिवापूर : पाेेलिसांच्या पथकाने उमरेड-भिसी (जिल्हा चंद्रपूर) मार्गावरील सालेभट्टी शिवारात केलेल्या कारवाईमध्ये गुरांची अवैध वाहतूक करणारे छाेटे मालवाहू वाहन पकडले. यात दाेघांना अटक करण्यात आली असून, त्यांच्याकडून एकूण ४ लाख ४४ हजार रुपये किमतीचा मुद्देमाल जप्त केला. ही कारवाई बुधवारी (दि. १६) रात्री ७ वाजताच्या सुमारास करण्यात आली.
अजय धनराज चाैधरी (२८, रा. नागतराेली, ता. भिवापूर) व कुंदन ऊर्फ गब्बर गाेयल (२०, रा. निष्ठी, ता. पवनी, जिल्हा भंडारा) अशी अटक करण्यात आलेल्या आराेपींची नावे आहेत. भिवापूर पाेलिसांचे पथक गस्तीवर असताना त्यांना सालेभट्टी शिवारातून एमएच-४०/बीएल-०७२२ क्रमांकाचे छाेटे मालवाहू वाहन जाताना दिसले. संशय आल्याने त्यांनी हे वाहन थांबवून झडती घेतली. त्यात त्यांना ११ गाई काेंबल्या असल्याचे आढळून आले.
कागदपत्रांच्या तपासणीअंती ती गुरांची अवैध वाहतूक असल्याचे स्पष्ट हाेताच पाेलिसांनी वाहनातील दाेघांना अटक करीत ११ गाईंची सुटका केली व त्या गाईंना नजीकच्या गाेरक्षणमध्ये पाठविण्याची व्यवस्था केली. या कारवाईमध्ये चार लाख रुपयाचे वाहन व ४४ हजार रुपयांची जनावरे असा एकूण ४ लाख ४४ हजार रुपये किमतीचा मुद्देमाल जप्त केला, अशी माहिती ठाणेदार महेश भाेरटेकर यांनी दिली. याप्रकरणी भिवापूर पाेलिसांनी गुन्हा नाेंदविला असून, ही कारवाई पाेलीस उपनिरीक्षक प्रकाश चंगाेले, उमेश झिंगरे, संदेश रामटेके, रवींद्र लेंडे यांच्या पथकाने केली.