लाेकमत न्यूज नेटवर्क
नरखेड : पाेलिसांच्या पथकाने खंडाळा (बु.) शिवारात केलेल्या कारवाईमध्ये गुरांची अवैध वाहतूक करणारा ट्रक पकडला. त्यात ट्रकचालकास अटक करण्यात आली असून, ३५ गुरांची सुटका करीत १३ लाख ८५ हजार रुपयांचा मुद्देमाल जप्त केला. ही कारवाई शुक्रवारी (दि. ३०) सकाळी १० वाजेच्या सुमारास करण्यात आली.
काेमल गाेंडू साेेलंखी (४२, रा. शेंडेनगर, टेकानाका, नागपूर), असे अटक करण्यात आलेल्या ट्रकचालकाचे नाव आहे. नरखेड पाेलिसांचे पथक गस्तीवर असताना त्यांना सावरगाव (ता. नरखेड) परिसरातून गुरांची वाहतूक केली जात असल्याची माहिती मिळाली हाेती. त्यामुळे त्यांनी सावरगाव परिसरात एमएच-२९/टी-१४४७ क्रमांकाच्या ट्रकच्या चालकास थांबण्याचा इशारा केला. मात्र, या ट्रकचालकाने तेथून पळ काढला. त्यामुळे पाेलिसांनी हा ट्रक पाठलाग करून खंडाळा (बु.) शिवारात अडविला.
झडतीदरम्यान त्या ट्रकमध्ये ३५ जनावरे काेबली असल्याचे आढळून आले. ती गुरांची अवैध वाहतूक असल्याचे, तसेच ती सर्व जनावरे कत्तलखान्यात नेली जात असल्याचे चाैकशीत स्पष्ट हाेताच पाेलिसांनी ट्रकचालकास अटक केली. शिवाय, ट्रकमधील सर्व गुरांची सुटका करीत पाेलिसांनी त्यांना नजीकच्या गाेरक्षणमध्ये पाठविण्याची व्यवस्था केली. या कारवाईमध्ये १० लाख रुपये किमतीचा ट्रक आणि ३ लाख ८५ हजार रुपये किमतीची ३५ जनावरे, असा एकूण १३ लाख ८५ हजार रुपये किमतीचा मुद्देमाल जप्त केला, अशी माहिती ठाणेदार जयपालसिंग गिरासे यांनी दिली. याप्रकरणी नरखेड पाेलिसांनी गुन्हा नाेंदवून तपास सुरू केला आहे. ही कारवाई सहायक फाैजदार राजू गजभये यांच्या नेतृत्वातील पथकाने केली.