लाेकमत न्यूज नेटवर्क
रेवराल : अराेली (ता. माैदा) पाेलिसांनी नवरगाव शिवारात केलेल्या कारवाईमध्ये रेतीची विना राॅयल्टी वाहतूक करणारा ट्रक पकडला. यात ट्रकचालकास अटक करण्यात आली असून, त्याच्याकडून २ लाख २५ हजार रुपये किमतीचा मुद्देमाल जप्त केला. ही कारवाई गुरुवारी (दि. २५) पहाटे ५.३० वाजताच्या सुमारास करण्यात आली.
सिद्धार्थ अशाेक लाेणारे (२९, रा. पल्लाडी, जिल्हा भंडारा) असे अटक करण्यात आलेल्या आराेपी ट्रकचालकाचे नाव आहे. अराेली पाेलिसांचे पथक गस्तीवर असताना त्यांना नवरगाव (ता. माैदा) शिवारातून रेतीची वाहतूक केली जात असल्याची माहिती मिळाली हाेती. त्यामुळे पाेलिसांच्या पथकाने या शिवाराची प्रत्यक्ष पाहणी केली. त्यांना एमएच-३६/एफ-३४८१ क्रमांकाचा ट्रक येताना दिसला. त्यांनी हा ट्रक थांबवून झडती घेतली असता त्यात रेती आढळून आली.
ती रेतीची विना राॅयल्टी वाहतूक असल्याचे कागदपत्रांच्या तपासणीदरम्यान स्पष्ट हाेताच, पाेलिसांनी ट्रकचालकास अटक केली आणि त्याच्याकडून दाेन लाख रुपयांचा ट्रक आणि २५ हजार रुपयांची पाच ब्रास रेती असा एकूण २ लाख २५ हजार रुपयांचा मुद्देमाल जप्त केला. याप्रकरणी अराेली पाेलिसांनी ट्रकचालकासाेबत ट्रकमालकावर भादंवि ३७९ अन्वये गुन्हा दाखल केला असून, या घटनेचा तपास पाेलीस उपनिरीक्षक चाबुकस्वार करीत आहेत.