नरखेड : पाेलिसांच्या पथकाने नरखेड परिसरात केलेल्या कारवाईमध्ये गुरांची अवैध वाहतूक करणारे छाेटे मालवाहू वाहन पकडले. यात आराेपीस अटक करण्यात आली असून, त्याच्याकडून वाहन आणि जनावरे असा एकूण २ लाख ३५ हजार रुपये किमतीचा मुद्देमाल जप्त केला. शिवाय, वाहनातील नऊ जनावरांची सुटका केली. ही कारवाई शनिवारी (दि. १३) दुपारी १२ वाजताच्या सुमारास करण्यात आली.
मुरलीधर शेषराव भाेयर (२९, रा. थुगाव निपाणी, ता. नरखेड) असे अटक करण्यात आलेल्या आराेपी वाहनचालकाचे नाव आहे. नरखेड पाेलिसांचे पथक गस्तीवर असताना त्यांना नरखेड परिसरातून गुरांची वाहतूक केली जात असल्याची माहिती मिळाली हाेती. त्यामुळे त्यांनी नरखेड परिसरात नाकाबंदी करून वाहनांची तपासणी करायला सुरुवात केली. दरम्यान, यांनी एमएच-४०/बीजी-३४०२ क्रमांकाचे छाेटे मालवाहू वाहन थांबवून झडती घेतली. त्या वाहनात पाेलिसांना नऊ जनावरे काेंबली असल्याचे आढळून आले.
कागदपत्रांच्या तपासणीदरम्यान ती गुरांची अवैध वाहतूक असल्याचे स्पष्ट हाेताच पाेलिसांनी वाहनचालक मुरलीधर भाेयर यास अटक केेली. शिवाय, वाहनातील नऊ जनावरांची सुटका करून त्यांना नजीकच्या गाेरक्षणामध्ये पाठविण्याची व्यवस्था केली. या कारवाईमध्ये दाेन लाख रुपये किमतीचे वाहन आणि ३५ हजार रुपयांची नऊ जनावरे असा एकूण २ लाख ३५ हजार रुपये किमतीचा मुद्देमाल जप्त केला, अशी माहिती ठाणेदार जयपालसिंग गिरासे यांनी दिली. याप्रकरणी नरखेड पाेलिसांनी गुन्हा नाेंदवून तपास सुरू केला आहे. ही कामगिरी पाेलीस उपनिरीक्षक अरुण खुटेमाटे, दिनेश वरठे, हेमंत राठाेड, गाैरव बकाल, विश्वनाथ ढाेणे, पृथ्वीराज चव्हाण यांच्या पथकाने केली.