नागपूर : बहुजन समाज पार्टीचे मनपातील गटनेते जितेंद्र घोडेस्वार यांनी बुधवारी पदभार स्वीकारला. मनपा मुख्यालयातील बसपा गटनेता कार्यालयामध्ये आयोजित कार्यक्रमात महापौर दयाशंकर तिवारी व विरोधी पक्षनेते तानाजी वनवे यांनी घोडेस्वार यांचे अभिनंदन केले.
याप्रसंगी उपमहापौर मनीषा धावडे, नगरसेविका भावना लोणारे, वंदना चांदेकर, भाग्यश्री कानतोडे, ममता सहारे, मंगला लांजेवार, नगरसेवक परसराम मानवटकर, इब्राहिम तौफिक अहमद, नरेंद्र वालदे, गोपीचंद कुमरे, बसपाचे प्रदेश महासचिव नागोराव जयकर, जिल्हाध्यक्ष संदीप मेश्राम, जिल्हा प्रभारी नितीन सिंगाळे, मीडिया प्रभारी उत्तम शेवडे आदी उपस्थित होते. घोडेस्वार यांनी शहरातील बहुजन, मागासवर्गीयांना अद्यापही त्यांच्या समस्यांसाठी भटकावे लागत आहे. त्यामुळे या विषयावर सभागृहामध्ये प्रसंगी भांडून सर्वांना समान न्याय मिळवून देण्यासाठी प्रयत्न करणार असल्याचे सांगितले.