अभिनय खोपडे - गडचिरोली नक्षलग्रस्त गडचिरोली जिल्ह्यात नक्षलवाद्यांनी लावलेल्या भूसुरूंग स्फोटात २00५ पासून आतापर्यंत ४९ पोलीस जवान शहीद व १८ लग्न वर्हाडी ठार झाले आहेत. नक्षलवाद्यांनी २ फेब्रुवारी २00५ मध्ये भामरागड तालुक्याच्या धोडराज पोलीस मदत केंद्रांतर्गत भामरागड, लाहेरी मार्गावर भूसुरूंग स्फोट केला होता. या स्फोटात आठ पोलीस जवान शहीद झाले होते. या ठिकाणी पामुलगौतम नदीच्या पूलाचे बांधकाम सुरु होते. त्यानंतर ६ जून २00५ मध्ये मालेवाडाजवळ नवेझरी येथे पोलीस दलाचे वाहन नक्षलवाद्यांनी भूसुरूंग स्फोटात उडविले होते. या स्फोटात पोलीस उपनिरीक्षक चंद्रशेखर वाघाडे, पोलीस जमादार चुन्नीलाल जांभुळकर व वाहन चालक घनश्याम टेकाम जात असलेले एमएच ३३-६३९३ क्रमांकाचे वाहन ७५ किलो जिलेटीनचा स्फोट करून नक्षलवाद्यांनी उडविले होते. या घटनेत तीन पोलीस शहीद झाले होते. १५ मे २00६ ला मुलचेरावरून छत्तीसगड राज्याच्या पाखांजूरकडे लग्न वर्हाड घेऊन जाणारे महिंद्रा गामा वाहन क्रमांक सीजी 0४ एमएच ३0९३ हे वाहन नक्षलवाद्यांनी उडविले. यात १२ लग्न वर्हाडी ठार झाले होते. ५ मे २0११ ला धानोरा तालुक्यातील येरकडजवळ नक्षलवाद्यांनी भूसुरूंग स्फोट घडविला होता. यात टाटा सूमो गाडीतून जाणारे ६ लग्न वर्हाडी ठार झाले होते. २७ मार्च २0१२ रोजी धानोरा तालुक्यातील पुस्टोला गावाजवळ भूसुरूंग स्फोट घडवून नक्षलवाद्यांनी केंद्रीय राखीव पोलीस दलाची मिनीबस उडविली. यात १३ जवान शहीद झालेत. त्या घटनेनंतर ११ मे २0१४ ला चामोर्शी तालुक्यातील मुरमुरी गावाजवळ नक्षलवाद्यांनी पोलिसांची सुमो उडविली. यात ७ पोलीस जवान शहीद झालेत. जिल्ह्यात २00९ नंतर केंद्रीय राखीव पोलीस दलाचे बटालियन तैनात करण्यात आले. या सीआरपीएफच्या जवानानांही नक्षलवाद्यांनी टार्गेट करीत हानी पोहोचविली आहे. २0१२ मध्ये सिव्हीक अँक्शन कार्यक्रमासाठी जाणार्या सीआरपीफच्या मिनी बसला नक्षलवाद्यांनी भूसुरूंग स्फोटात उडविले होते. यात १३ जवान शहीद झाले होते.
भूसुरूंग स्फोटात ९ वर्षात ४९ पोलीस जवान ठार
By admin | Updated: May 13, 2014 00:23 IST