लाेकमत न्यूज नेटवर्क
काेंढाळी : अनियंत्रित झालेली भरधाव कार उलटली. त्यात कारमधील तीन जण गंभीर जखमी झाले, तर अन्य दाेघे किरकाेळ जखमी झाले. ही घटना काेंढाळीनजीकच्या चाकडाेह शिवारात मंगळवारी (दि.१६) सकाळी ९ वाजेच्या सुमारास घडली.
सतीश उईके (५०), माला सतीश उईके (४५, रा. भाेपाळ, मध्यप्रदेश) व प्रवीण मसराम (४५, रा. अमरावती) अशी गंभीर जखमींची नावे असून, त्यांच्यावर नागपूर मेडिकल रुग्णालयात उपचार सुरू आहेत. कारचालक गणेश नारायण पुरभे (४६) व शुभम श्यामसुंदर बाेरकर (२८, रा. अमरावती) हे दाेघे किरकाेळ जखमी झाले. सदर पाचही जण एमबी-२७/झेड-४५१५ क्रमांकाच्या स्विफ्ट डिझायर कारने अमरावतीकडून नागपूरकडे येत हाेते. दरम्यान, चाकडाेह शिवारात चालकाचे नियंत्रण सुटल्याने अनियंत्रित झालेली भरधाव कार रस्त्यालगत उलटली. त्यात कारमधील तिघांना गंभीररीत्या दुखापत झाली तर कारचालकासह दाेघे किरकाेळ जखमी झाले.
अपघाताची माहिती मिळताच वसंतराव देशमुख प्रतिष्ठानच्या रुग्णवाहिकेने सामाजिक कार्यकर्ते संजय गायकवाड यांनी घटनास्थळी धाव घेत जखमींना नागपूर येथील मेडिकल रुग्णालयात नेण्यात आले. तेथे जखमींवर उपचार सुरू आहेत. याप्रकरणी काेंढाळी पाेलिसांनी नाेंद केली असून, तपास सुरू केला आहे.