नागपूर : कवी, लेखक, रंगकर्मी व छायाचित्रकार करुणकुमार कांबळे यांना जागतिक आंबेडकरवादी साहित्य महामंडळ व डॉ. आंबेडकर वेल्फेअर असोसिएशन, मलेशिया यांच्या वतीने आंतरराष्ट्रीय स्तरावरील २०२३ चा डॉ. बाबासाहेब आंबेडकर पुरस्कार जाहीर करण्यात आला आहे.
४ व ५ फेब्रुवारी रोजी मलेशिया येथील क्वालालंपूर येथे होणाऱ्या दुसऱ्या जागतिक आंबेडकरवादी साहित्य संमेलनात हा पुरस्कार प्रदान करण्यात येणार आहे. करुणकुमार कांबळे यांनी गेल्या ४५ वर्षांत आंबेडकरी आंदोलने, सामाजिक, सांस्कृतिक व साहित्य चळवळीत दिलेल्या उल्लेखनीय योगदानाबद्दल त्यांना हा पुरस्कार प्रदान करण्यात येणार आहे.