लाेकमत न्यूज नेटवर्क
कामठी : पाेलिसांनी गुरुवारी (दि. २३) सायंकाळी ५.३० वाजेच्या सुमारास कामठी शहरातील नया गाेदाम परिसरात केलेल्या कारवाईमध्ये अट्टल वाहन चाेरट्यास अटक केली. त्याच्याकडून माेटारसायकल व तलवार, असा एकूण ३२ हजार रुपयांचा मुद्देमाल जप्त केला, अशी माहिती ठाणेदार विजय मलचे यांनी दिली.
सौरभ संजय इंगोले (२३, रा. नया गोदाम, कामठी) असे अटक करण्यात आलेल्या चाेरट्याचे नाव आहे. साैरभ वाहनचाेरी करीत असल्याची माहिती मिळाल्याने कामठी (नवीन) पाेलीस त्याचा शाेध घेत हाेते. ताे गुरुवारी सायंकाळी कामठी शहरातील नया गाेदाम परिसरात फिरत असल्याची माहिती मिळताच पाेलिसांनी सापळा रचला व शिताफीने त्याला ताब्यात घेत घराची झडती घेतली.
त्याच्याकडील एमएच-४० टीव्ही-९२१६ क्रमांकाची माेटारसायकल त्याने चाेरून आणल्याचे कबूल करताच त्याला अटक केली व त्याच्याकडून माेटारसायकल व तलवार जप्त केली. या कारवाईमध्ये ३० हजार रुपयांची माेटारसायकल आणि दाेन हजार रुपयांची तलवार, असा एकूण ३२ हजार रुपये किमतीचा मुद्देमाल जप्त केल्याची माहिती ठाणेदार विजय मलचे यांनी दिली असून, त्याच्याकडून चाेरीच्या इतर घटना उघड हाेण्याची शक्यता त्यांनी व्यक्त केली.
याप्रकरणी कामठी (नवीन) पाेलिसांनी भादंवि ३७९ व आर्म ॲक्ट सहकलम ४/२५ अन्वये गुन्हा दाखल करून तपास सुरू केला आहे. ही कारवाई दुय्यम पोलीस निरीक्षक मंगेश काळे, सहायक पोलीस निरीक्षक सुरेश कन्नाके, अशोक वाघ, संजय पिल्ले, संदीप सगणे, रोशन पाली, राजू टाकळीकर, कमल कनोजिया, पंकज मारशिंगे यांच्या पथकाने केली.