लाेकमत न्यूज नेटवर्क
कामठी : वाहनांच्या बॅटरी चाेरीला जाण्याचे प्रमाण वाढत असतानाच कामठी (नवीन) पाेलिसांनी तीन चाेरट्यांना नागपूर शहरातून ताब्यात घेत अटक केली. त्यांच्याकडून १५ हजार रुपये किमतीच्या दाेन बॅटरी जप्त करण्यात आल्या. ते अट्टल बॅटरी चाेर असल्याची माहिती पाेलीस सूत्रांनी दिली. ही कारवाई शुक्रवारी (दि. १७) रात्री करण्यात आली.
शेख शरफिन ऊर्फ कलवा शेख आमीन (१९), सलमान ऊर्फ दद्दू ताहीर हुसेन (१९) दाेघेही रा. कामठी व रितिक रवी पांडे (१९, रा. बेलेनगर, कळमना, नागपूर) अशी अटक करण्यात आलेल्या चाेरट्यांची नावे आहेत. मोहम्मद अली जकारिया मालानी (४४, रा. गुजरी बाजार, कामठी) यांच्या मालकीच्या एमएच-३२/क्यू-००९३ क्रमांकाच्या ट्रकमधील दाेन बॅटरी साेमवारी (दि. १४) रात्री कामठी शहरातील जयस्तंभ चाैक परिसरातून चाेरीला गेल्या हाेत्या. त्यामुळे त्यांनी पाेलिसात तक्रार दाखल केली हाेती. सहायक पोलीस निरीक्षक सुरेश कन्नाके, मंगेश लांजेवार, राजेंद्र टाकळीकर, सुधीर कनोजिया,उपेंद्र यादव, संदीप गुप्ता, सुरेश शेंडे यांच्या पथकाने ही कारवाई केली.
...
नागपूर शहरात विक्री
तिन्ही चाेरटे कामठी शहरासह परिसरात चारचाकी वाहनांच्या बॅटरी चाेरून न्यायचे. त्या बॅटरी नागपूर शहरात विकायचे व त्यातून आलेली रक्कम वाटून घ्यायचे, अशी माहिती पाेलीस सूत्रांनी दिली. तिघेही सराईत चाेर असून, त्यांच्याकडून चाेरीच्या इतर घटना उघड हाेण्याची शक्यता पाेलीस निरीक्षक विजय मालचे यांनी व्यक्त केली.