आठवले यांच्या रिपाइंतही फूट

रिपब्लिकन पक्ष हा आधीच विविध गटात विभागला गेला आहे. आता या गटांमध्ये सुद्धा गट निर्माण होत

नागपूर : रिपब्लिकन पक्ष हा आधीच विविध गटात विभागला गेला आहे. आता या गटांमध्ये सुद्धा गट निर्माण होत आहेत. याचा प्रत्यय रिपाइं (आठवले) गटाच्या नुकत्याच घोषित शहर अध्यक्षपदाच्या घोषणेनंतर आला. शहर अध्यक्षपदावरून दोन गट आमोरासमोर आले असून दोन्ही गटांनी आपापल्या शहर अध्यक्षांची घोषणा केली आहे. त्यामुळे सध्या तरी नागपुरात आठवलेंच्या रिपाइंचे दोन शहराध्यक्ष झाले असून आठवलेंच्या रिपाइंतही फूट पडल्यचे दिसून येते. रविवारी रविभवन येथे रिपाइं (आठवले) गटाच्या कार्यकर्त्यांची बैठक पार पडली. या बैठकीत शंभरावर कार्यकर्ते सहभागी झाले होते. पक्षाला मजबूत करणार आपले कुणाशीही भांडण नाही. परंतु पक्षात एकाधिकारशाही वाढली होती. त्यातून सामान्य कार्यकर्त्यांना डावलले जात असल्याने पक्ष कमजोर झाला होता. आपल्यावर शहराची जबाबदारी सोपविल्याबद्दल आपण सर्व प्रामाणिक कार्यकर्त्यांचे आभार मानतो. यापुढे पक्ष वाढविण्यासाठी आपण आणखी जोमाने कामाला लागू. पक्षाला मजबूत करू. आठवले यांचा विश्वासघात होऊ देणार नाही. -बाळू घरडे , नवनियुक्त शहराध्यक्ष, रिपाइं (आठवले) मीच खरा अध्यक्ष बाळू घरडे यांची नियुक्ती ही स्वयंघोषित आहे. रामदास आठवले यांच्या निर्देशानुसार चार बैठकीनंतर पाचव्या बैठकीत राज्य, विदर्भ व शहरातील पदाधिकाऱ्यांच्या उपस्थितीत माझी निवड झाली होती. घरडे यांची नियुक्ती ज्या बैठकीत करण्यात आली त्यात राज्यातील व विदर्भातील पदाधिकारी तर दूरच राहिलेत. शहरातीलही पदाधिकारी उपस्थित नव्हते. मीच खरा शहराध्यक्ष आहे. - राजन वाघमारे ,शहराध्यक्ष रिपाइं (आठवले)