लाेकमत न्यूज नेटवर्क
रामटेक : राज्य शासनाने अंगणवाडी सेविकांना माेबाईल फाेन दिले असून, त्यांना त्यांच्या कामाची सर्व माहिती ऑनलाईन नाेंदविण्याची सक्ती केली आहे. ते माेबाईल निकृष्ट प्रतीचे असल्याचा दावा करीत हाताळताना समस्या येत असल्याने अंगणवाडी सेविका व मदतनीसांनी रामटेक येथील एकात्मिक बालविकास सेवा योजना प्रकल्प कार्यालयासमाेर निदर्शने करीत माेबाईल फाेन परत करा आंदाेलन केले.
शासनाने दिलेले माेबाईल फाेन दाेन जीबी रॅमचे आहेत. त्यामुळे हे फाेन वारंवार हँग हाेतात व चार्जिंग करताना हा फाेन गरम होताे. या फाेनमध्ये वारंवार बिघाड निर्माण हाेत असल्याने ताे दुरुस्त करण्यासाठीही पदरमाेड करावी लागते. एका वेळचा दुरुस्ती खर्च हा दाेन ते चार हजार रुपये येताे. ग्रामीण भागात नेटवर्क समस्या असल्याने या माेबाईलवर माहिती अपलाेड करताना त्रास हाेताे. शासनाने दिलेले ॲप इंग्रजीत असल्याने ते हाताळतानाही त्रास हाेत असल्याची माहिती अंगणवाडी सेविकांनी दिली असून, ही समस्या कायमस्वरूपी निकाली काढण्यासाठी आंदाेलन करीत असल्याचे त्यांनी स्पष्ट केले.
या आंदाेलनात रामटेक तालुक्यातील १५० अंगणवाडी सेविका व मदतनीस सहभागी झाल्या हाेत्या. यात छबू गुरव, चंद्रशेखर शुक्ला, राजू शाहू, लीला मेहर, सुशीला बावनकर, सीमा बावनकुळे, सुनीता नेवारे, यशोदा पटले, कौतिका परतेती, दुर्गा गोस्वामी, सुनीता ढोक, सुजाता नागदिवे, शकुंतला लेंडे, वनिता चौकसे, शालू रामटेके, वसुधा बनाईत, किरण जयस्वाल, रंजना नागपूरकर यांच्यासह इतर अंगणवाडी सेविका व मदतनिसांचा समावेश हाेता.