नागपूर : मुंबई उच्च न्यायालयाच्या नागपूर खंडपीठाने विनयभंगाचा एफआयआर व संबंधित खटला रद्द करण्यास नकार दिल्यानंतर प्रसिद्ध विनोदी अभिनेता विजय राज यांनी मंगळवारी यासंदर्भातील अर्ज मागे घेतला. (Actor Vijay Raj withdrew his application; Case of molestation)
प्रकरणावर न्यायमूर्तीद्वय विनय देशपांडे व अमित बोरकर यांच्यासमक्ष सुनावणी झाली. गेल्या नोव्हेंबरमध्ये एका चित्रपटाच्या शूटिंगसाठी विजय राजसह इतर कलावंत व कर्मचारी गोंदिया येथे आले होते. दरम्यान, ते काही दिवस हॉटेलमध्ये थांबले होते. त्यावेळी राज यांनी एका सहकारी तरुणीची छेड काढली, असा आरोप आहे. त्या तरुणीच्या तक्रारीवरून ३ नोव्हेंबर रोजी गोंदिया येथील रामनगर पोलिसांनी राज यांच्याविरुद्ध विनयभंगाचा गुन्हा नोंदविला, तसेच गुन्ह्याचा तपास पूर्ण करून १२ डिसेंबर रोजी प्रथम श्रेणी न्याय दंडाधिकारी न्यायालयात दोषारोपपत्र दाखल केले.