सोमठाणा घाटात अपघात; १ ठार, ६ जखमी

दारव्हाकडे जाणारी कार उलटली.

वाशिम, दि. १९- कारंजा येथून दारव्हाकडे जाणारी इंडिका कार उलटून १ जण ठार झाल्याची घटना गुरुवारी रात्री १0 वाजताच्या दरम्यान सोमठाणा घाटात घडली. कारंजा येथील रहिवासी मनोहर वानखडे, दिलीप पाटील आणि आणखी चार जण इंडिका कारने कारंजा येथून दारव्हा जवळील धामणाव देव येथे मुंगसाजी महाराज मंदिरात दर्शनाकरिता जात होते. गुरुवारी रात्री १0 वाजताच्या दरम्यान वेगात असलेली गाडी सोमठाणाजवळ उलटली. या अपघातात मनोहर वानखडे हे ठार झाले तर दिलीप पाटील हे गंभीर जखमी आहेत. इतर ५ जन देखील जखमी असून त्यांना अमरावती येथे उपचारार्थ अमरावती येथे पाठविण्यात आले आहे.