शहरात १ लाखावर मूर्ती विसर्जन : १२७.६८ टन निर्माल्य संकलन
लोकमत न्यूज नेटवर्क
नागपूर : अनंत चतुर्थीला शहरामध्ये दहाही झोन अंतर्गत १ लाख २७ हजार ७७६ गणेशमूर्तींचे विसर्जन करण्यात आले. विशेष म्हणजे बंदी असूनही यात ६७८५ पीओपी मूर्तींचा समावेश आहे. हे प्रमाण ५.६० टक्के असल्याचे निदर्शनास आले आहे.
केंद्र शासनाने पीओपी मूर्तींची खरेदी, विक्री व आयातीवर बंदी आणल्यानंतर नागपूर शहरामध्ये पीओपी मूर्ती विरोधात विशेष मोहीम राबविण्यात आली. या मोहिमेत अनेक दुकानांवर कारवाई केली. दुकाने सील करण्यात आली. त्यानंतरही विसर्जनानंतर ५.६० टक्के पीओपी मूर्ती आढळून आल्या.
भाविकांची सुविधा व्हावी यासाठी मनपाने शहराच्या सर्वच भागात २७० कृत्रिम तलावांसह फिरत्या विसर्जन कुंडांची व्यवस्था केली होती. यात नागरिकांनी श्रीगणेशाचे विसर्जन केले. याशिवाय अनेकांनी घरीच मूर्ती विसर्जन केले. पथकाव्दारे १२७.६८ टन निर्माल्य संकलित करण्यात आले आहे.
शहरातील सर्व तलावांवर गणेश विसर्जनास बंदी घातली आहे. त्यादृष्टीने तलावांना टिनाचे शेड लावून बंद करण्यात आले. त्याऐवजी शहरातील प्रमुख विसर्जनस्थळी मनपातर्फे कृत्रिम तलावांची व्यवस्था करण्यात आली. यासोबतच नागरिकांना त्यांच्या दारापुढे, परिसरात श्रीगणेशाचे विसर्जन करता यावे याकरिता फिरते विसर्जन कुंडाचीसुद्धा व्यवस्था करण्यात आली होती. महापौर दयाशंकर तिवारी व मनपा आयुक्त राधाकृष्णन बी. यांच्या आवाहनाला नागरिकांनी प्रतिसाद दिला. मातीच्या १ लाख २० हजार ९९१ मूर्तीं तर ६७८५ पीओपी मूर्ती अशा एकूण १ लाख २७ हजार ७७६ मूर्ती विसर्जित करण्यात आल्या.
...
झोननिहाय गणेश विसर्जन
झोन कृत्रिम तलाव विसर्जित पीओपी मूर्ती मातीच्या मूर्ती विसर्जित एकूण मूर्ती संकलित निर्माल्य (टनामध्ये)
लक्ष्मीनगर २६ ३७० १०९८० ११३५० ९.२९
धरमपेठ ५१ २३२६ ३७८४५ ४०१७१ २८.७१
हनुमाननगर ३८ १११८ १००५६ १११७४ ८.८६
धंतोली २२ २९२ ६७६६ ७०५८ १२.९२
नेहरूनगर ४० ४४८ १४६९३ १५१४१ १६
गांधीबाग २६ १४४ ८८२५ ८९६९ १०.९
सतरंजीपुरा १८ ४९९ ११०७९ ११५७८ ७.३८
लकडगंज २० १५१ ६९०६ ७०५७ १५.७८
आशीनगर १३ ४३ ७८६ ८२९ ९.४६
मंगळवारी १६ १३९४ १३०५५ १४४४९ ८.३८
एकूण २७० ६७८५ १२०९९१ १२७७७६ १२७.६०