नागपूर : युवा सेना नागपूर शहर शाखेच्यावतीने घेण्यात आलेल्या बाल चित्रकला स्पर्धेत शहरातील ४०० विद्यार्थ्यांनी सहभाग घेतला. या स्पर्धेत भाग घेणाऱ्या प्रत्येक विद्यार्थ्यास मेडल, प्रमाणपत्र, खाऊ देण्यात आला.
ही स्पर्धा तीन विभागात झाली. स्पर्धेनंतर बक्षीस वितरण समारंभ झाला. यामध्ये ११७ मुलांना सुवर्ण, रौप्य आणि कास्यपदक देण्यात आले. या कार्यक्रमाला माजी उपमहापौर शेखर सावरबांधे, माजी जिल्हा प्रमुख बंडू तागडे, माजी नगरसेवक गणेश डोईफोडे, जगत सिन्हा प्रामुख्याने उपस्थित होते.
कार्यक्रमाचे आयोजन युवा सेना जिल्हा समन्वयक शशिकांत ठाकरे यांनी केले. शशिधर तिवारी, आशिष राऊत, तुषार कोल्हे, सलमान खान, कुलदीप उपाध्याय, वाघ सर, अमोल मंडलेकर, मनकवडे, घाटोळे, गायकी, अश्विनी ठाकरे आदींचे सहकार्य लाभले.