लोकमत न्यूज नेटवर्कनागपूर: गुरुवारी सकाळी ११ वाजता मध्यप्रदेशातील राजनंदगाव रेल्वेस्थानकात पोहचलेल्या हावडा- मुंबई मेलमधून ३५ अल्पवयीन मुलांची आरपीएफ व नागपूर शहर पोलिसांनी सुटका केली. या मुलांना चाईल्ड लाईनकडे सोपविण्यात आले असून त्यांच्या सोबत असलेल्या व्यक्तीची चौकशी सुरू आहे.गुरुवारी सकाळी गाडी क्र. १२८१० हावडा-मुंबई मेलमधून अल्पवयीन मुलांची तस्करी होत असल्याच्या गुप्त सूचनेवरून शहर पोलिस व आरपीएफने ही गाडी रेल्वेस्थानकात येताच तपासणी केली. यात एक व्यक्ती ३५ मुलांना घेऊन प्रवास करीत होता. इतक्या सगळ््या अल्पवयीन मुलांना घेऊन जात असलेले पाहून त्या गाडीतील सहप्रवाशांना संशय आला व त्यांनी तशी सूचना नागपूर पोलिसांना दिली. या सूचनेनुसार शहर पोलिसांनी आरपीएफला कळवले. ही गाडी राजनंदगाव रेल्वे स्थानकात पोहण्याआधी नागपूर पोलिस तेथे हजर झाले होते. गाडी स्थानकावर येताच बोगी क्र. एस ५ मधून ३५ मुलांसह एका व्यक्तीला ताब्यात घेण्यात आले. या मुलांची विचारपूस करताना, त्यांना मुंबईला नेत असल्याचे समजले. पुढील तपास सुरू आहे.