काटाेल : पाेलिसांनी दाेन वेगावेगळ्या ठिकाणी केलेल्या कारवाईमध्ये दाेघांवर गुन्हे नाेंदवीत त्यांच्याकडून एकूण ११,७४० रुपये किमतीची देशीदारू जप्त केली. ही कारवाई मंगळवारी (दि. ९) करण्यात आली.
काटाेल शहरातून दारूची अवैध वाहतूक केली जात असल्याची माहिती मिळताच पाेलिसांनी अवैध दारू वाहतूकदारांचा शाेध घ्यायला सुरुवात केली. दरम्यान, पाेलिसांनी माेटरसायकलने जाणाऱ्या एकास ताब्यात घेत त्याची झडती घेतली. त्याच्याकडून १० हजार रुपये किमतीची देशीदारू जप्त केली. त्यानंतर काही वेळाने शहराच्या दुसऱ्या भागात दुसऱ्याला ताब्यात घेत झडती घेतली. त्याच्याकडे १,१७० रुपयाची दारू आढळून येताच ती जप्त केली. दाेन्ही कारवाईमध्ये ११,७४० रुपयाच्या देशीदारूच्या २९ बाटल्या जप्त केल्याची माहिती ठाणेदार महादेव आचरेकर यांनी दिली असून, या प्रकरणात पाेलिसांनी कुणाविरुद्ध गुन्हा दाखल केला, याची माहिती दिली नाही. ही कारवाई पाेलीस उपनिरीक्षक राहुल बाेंद्रे यांच्या नेतृत्वातील पथकाने केली.