फडणवीसांसोबत tik tok व्हिडिओ बनवण्यासाठी 'तो' पोहचला थेट विधानभवनात

दिपक खंडाळे नावाच्या एका व्यक्तीचा माजी मुख्यमंत्री देवेंद्र फडणवीस यांच्यासोबतचा असाच एक tik tok व्हिडिओ व्हायरल झाला आहे.

- मोसीन शेख 

मुंबई : एखाद्या मोठ्या राजकीय नेत्यांसोबत फोटो किंवा सेल्फी काढून सोशल मिडियावर टाकण्याचा क्रेज सध्या तरुणांमध्ये पाहायला मिळतोय. मग त्यासाठी त्यांची धडपड पाहण्यासारखी असते. असाच एका कार्यकर्त्याचा tik tok व्हिडिओ व्हायरल झाला असून, या 17 सेकंदाच्या व्हिडिओसाठी या कार्यकर्त्याने चक्क 400 किलोमीटरचा प्रवास केला.

अर्थसंकल्पीय अधिवेशन सुरु असल्याने सर्वच पक्षाचे आमदार सध्या विधानसभा आणि विधानपरिषदेत उपस्थित असल्याचे पाहायला मिळत आहे. त्यामुळे राज्यभरातील कार्यकर्ते यावेळी आपली कामे घेऊन त्यांना भेटायला येत असतात. अशावेळी ही भेट स्मरणात राहावी आणि नेत्यासोबतच्या भेटीचा फोटो सोशल मिडियावर टाकण्यासाठी कार्यकर्ते फोटो, व्हिडिओ किंवा सेल्फी काढण्याची संधी सोडत नाही.

दिपक खंडाळे नावाच्या एका व्यक्तीचा माजी मुख्यमंत्री देवेंद्र फडणवीस यांच्यासोबतचा असाच एक tik tok व्हिडिओ व्हायरल झाला आहे. खंडाळे हे चाळीसगाव जिल्ह्यातील उंबरखेड येथील राहणारे आहे. फडणवीस यांची भेट घेऊन त्यांचासोबत tik tok व्हिडिओ बनवण्याची अनेक दिवसांपासूनची त्यांची इच्छा होती. त्यांची ही इच्छा शुक्रवारी पूर्ण झाली.

@dipakkhandale123

माननीय देवेंद्रजी फडणवीस यांच्या सोबत एक निवांत क्षण##treanding##rakhibirade माननीय देवेंद्रजी फडणवीस यांच्यासोबत एक निवांत क्षण##virelvideo

♬ मूळ ध्वनी  - Dipak khandale

चाळीसगावचे आमदार मंगेश चव्हाण यांच्या पुढाकाराने खंडाळे यांची भेट फडणवीस यांच्यासोबत झाली. त्यामुळे खंडाळे यांनीही वेळ वाया न घालवता फडणवीस यांच्यासोबत व्हिडिओ बनवला आणि tik tok वर पोस्ट केला. त्यांनतर हा व्हिडिओ चांगलाच व्हायरल झाला आहे. विशेष म्हणजे याआधी फडणवीस यांच्या विधानसभेतील भाषणाची कॉपी करत खंडाळे यांनी अनेकदा व्हिडिओ बनवले आहे. मात्र आता थेट फडणवीस यांच्यासोबतच व्हिडिओ बनवण्याची संधी मिळाल्याने त्यांनी आमदार चव्हाण यांचे आभार मानले.