शहरं
Join us  
Trending Stories
1
“सरन्यायाधीश भूषण गवई यांना हात जोडून विनंती आहे की...”; उद्धव ठाकरेंचे साकडे, प्रकरण काय?
2
नवाब मलिकांवर मोठी जबाबदारी; मुंबई महापालिका निवडणुकीबाबत अजित पवारांचा महत्त्वाचा निर्णय
3
Stock Market Today: शेअर बाजाराची तेजीसह सुरुवात; Nifty २४,६०० च्या वर, IT-फार्मा शेअर्समध्ये मोठी खरेदी
4
राष्ट्रवादीमध्ये नव्या 'दादां'चा उदय! रोहित पवार अजितदादांची पोकळी भरून काढत आहेत का?
5
पाकिस्तानचं स्वातंत्र्यदिनी हे कसलं सेलिब्रेशन... हवेत गोळीबार, तिघांचा मृत्यू, ६० जखमी
6
मतदार यादी कायमसाठी एकसारखीच राहू शकत नाही, पुनरीक्षण आवश्यक; सर्वोच्च न्यायालयाचे निरीक्षण
7
शिल्पा शिरोडकरच्या कारला बसची धडक, अभिनेत्रीने केली तक्रार; तर बस मालकांनी केली अरेरावी
8
आजचे राशीभविष्य : गुरुवार १४ ऑगस्ट २०२५; या ४ राशीच्या लोकांना अचानक धनलाभ संभवतो, काहींना मित्रांकडूनही लाभ होतील
9
लंडनच्या भूमीत १८ ऑगस्टला होणार ऐतिहासिक 'लोकमत ग्लोबल इकॉनॉमिक कन्व्हेन्शन'
10
मंत्रालयामधील मोकळ्या जागेवर मंत्र्यांचेच अतिक्रमण; सामान्यांना बसण्यासाठीच्या जागा व्यापल्या
11
फडणवीस, शिंदे, ठाकरे आज एका व्यासपीठावर..?; बीडीडीवासीयांचे पाऊल आज नव्या घरात
12
वसई-विरारचे माजी आयुक्त अनिलकुमार पवार यांना अटक; ४१ अवैध इमारती भोवल्या, ईडीची कारवाई
13
मुनीर यांचा बाष्कळ थयथयाट, भारताविषयी वक्तव्ये करण्याआधी 'आका'ची परवानगी घेतली का?
14
कबुतरांना खाद्यबंदी कायम; 'तुम्ही एकांगी निर्णय घेऊ शकत नाही', हायकोर्टाने मुंबई महापालिकेला फटकारले
15
महाभियोग टाळण्यास राजीनामा हा एकच पर्याय; अन्यथा न्या. वर्मांचे पेन्शन, इतर लाभही जाणार
16
'ते विधान राहुल गांधींचे नाही, मी परस्परच..."; वकिलाचा यू-टर्न, जिवाला धोका असल्याच्या वक्तव्याबद्दल काय बोलले?
17
एरोड्रोम परवान्याने अडविले नवी मुंबईतील विमानोड्डाण; सप्टेंबरचा मुहूर्तही हुकणार?
18
जन्मभर विसरणार नाही असा धडा भारतास शिकवू; सिंधू जल करार स्थगितीमुळे पाकच्या धमक्या वाढल्या
19
'झुरळे गोपीनाथ' मंदिर ! ३०० वर्षांपूर्वीच्या मंदिरात झुरळांच्या रूपात गोपिकांचा वास
20
Arjun Tendulkar Engagement :अर्जुन तेंडुलकरची होणारी बायको, साराची खास मैत्रिण; सानिया चांडोकचे फोटो पाहा

अपहृत २३० विद्यार्थिनींच्या सुटकेसाठी जग एकवटले!

By admin | Updated: May 8, 2014 23:06 IST

दहशतवाद्यांनी ओलीस ठेवलेल्या २००हून अधिक विद्यार्थिनींची सुरक्षित सुटका व्हावी म्हणून जगभरातून नायजेरियन सरकारवर दबाव वाढत आहे.

युनोही प्रयत्नशील : नायजेरियातील बोको हरम दहशतवाद्यांची अमानुषता; मुलींना बाजारात विकण्याची धमकी

संयुक्त राष्ट्र : दहशतवाद्यांनी ओलीस ठेवलेल्या २००हून अधिक विद्यार्थिनींची सुरक्षित सुटका व्हावी म्हणून जगभरातून नायजेरियन सरकारवर दबाव वाढत आहे. तीन आठवड्यांपासून शोध लागत नसल्याने अमेरिका, चीन, ब्रिटन आणि फ्रान्स या जागतिक महासत्ता आता शोधमोहिमेत सहभागी झाल्या आहेत. नायजेरियाच्या ईशान्य भागातून बोको हरमच्या दहशतवाद्यांनी २३० विद्यार्र्थिनींचे शाळेतून अपहरण केले होते. अपहरण करण्यात आलेल्या मुली १५ ते १८ वयोगटातील आहेत. बोको हरमने गेल्या १४ एप्रिल रोजी बंदुकीच्या धाकावर या मुलींचे चिबोका शहरातील एका शाळेतून अपहरण केले होते. बोको हरमच्या प्रमुखाने मुलींना बाजारात विकण्याची आणि त्यांचे लग्न लावण्याची धमकी दिली आहे. आंतरराष्ट्रीय कायद्यानुसार गुलामगिरी व देहव्यापारास प्रवृत्त करणे निषिद्ध आहे. संयुक्त राष्ट्र संघटनेने या घटनेचा निषेध केला असून मुलींची तात्काळ सुटका करण्याचे आवाहन केले आहे. संयुक्त राष्ट्र संघटनेचे माजी सरचिटणीस कोफी अन्नान यांनीही अपहृत मुलींच्या सुटकेसाठी कारवाईची मागणी केली आहे. अपहरण करण्यात आलेल्या मुलींच्या सुटकेसाठी नायजेरियन सरकार व आफ्रिकी देशांनी ठोस प्रयत्न केले नसल्याची खंत त्यांनी व्यक्त केली. जगभरातून नायजेरियन सरकारवर दबाव वाढत असतानाच अमेरिका व फ्रान्सने शोधमोहिमेच्या मदतीसाठी विशेषज्ञांचे एक पथक पाठवले आहे. दुसरीकडे ब्रिटन उपग्रह छायाचित्रे काढण्याची क्षमता असलेली उपकरणे शोधमोहिमेच्या मदतीसाठी तैनात करणार आहे. नायजेरियन राष्ट्राध्यक्ष गुडलक जोनाथन यांचे प्रशासन गेल्या काही दिवसांपासून मुलींच्या सुटकेसाठी शर्थीचे प्रयत्न करत आहे. गेल्या पाचएक वर्षांत बोको हरम या दहशतवादी संघटनेने केलेल्या विविध हल्ल्यांत हजारोंचा जीव गेला आहे. (वृत्तसंस्था)

पारितोषिकाची घोषणा

नायजेरियन पोलिसांनी अपहृत विद्यार्थिनींच्या सुटकेच्या उद्देशाने योग्य माहिती देणार्‍यास तीन लाख डॉलर अर्थात एक कोटी ८० लाख रुपयांचे पारितोषिक देण्याची घोषणा केली आहे. ४सोमवारी बोर्नो राज्यात आणखी एक हल्ला केल्याचा आरोप बोको हरमवर होत आहे. या हल्ल्यात जवळपास तीनशे जण मारले गेल्याची भीती व्यक्त होत आहे. याशिवाय रविवारी एका गावातून आणखी आठ मुलींचे अपहरण केले गेले होते.

मिशेल ओबामांचाही सहभाग

मिशेल ओबामा यांनी या अपहरणाविरोधात सोशल मीडियावर सुरू करण्यात आलेल्या मोहिमेत सहभाग घेतला आहे. आमच्या मुली परत आणा, असा संदेश असलेला फलक घेऊन मिशेल यांनी फोटो काढला आहे. ४अमेरिकी राष्ट्राध्यक्ष बराक ओबामा यांनी या घटनेबद्दल गंभीर चिंता व्यक्त केली असून नायजेरियन शोधमोहिमेच्या मदतीसाठी सैन्य तज्ज्ञांचे पथक पाठविले आहे.

गप्प बसू नका -मलाला

विद्यार्र्थिनींच्या अपहरणावर जगाने गप्प न बसता त्यांच्या सुटकेसाठी प्रयत्न करावेत, असे आवाहन पाकिस्तानात मुलींच्या शिक्षणाधिकारासाठी लढणार्‍या मलाला युसूफजाईने केले आहे. आम्ही गप्प राहिलो, तर अशा घटनांमध्ये वाढ होईल, असे मलाला म्हणाली. ४तालिबान्यांच्या हल्ल्यातून बचावलेली मलाला सध्या ब्रिटनमध्ये वास्तव्य करत आहे. आता ती जगभरातील मुलींच्या शिक्षणासाठी अभियान चालवत आहे. मलालावर २०१२ मध्ये हल्ला झाला होता. ब्रिटनमध्ये अनेक महिने औषधोपचार केल्यानंतर तिच्या प्रकृतीत सुधारणा झाली.