पूजा दामले, मुंबई पक्षाचा नव्हे तर, उमेदवाराच्या व्यक्तिमत्त्वाचा विचार करून मुख्यमंत्री ठरवा, असे सांगितल्यावर महिलांनी पहिल्या क्रमांकावर पृथ्वीराज चव्हाण आणि दुस-या क्रमांकावर राज ठाकरे यांना पसंती दिल्याचे आॅनलाईन झालेल्या सर्वेक्षणात दिसून आले आहे.राज्यातील ३१ ते ३५ वयोगटातील १ हजार २५७ महिला या सर्वेक्षणात सहभागी झाल्या होत्या. व्यक्तिमत्वावरून पृथ्वीराज चव्हाण यांना मुख्यमंत्री म्हणून पसंती दिल्याचे एका डेटिंगविषयक संकेतस्थळाने केलेल्या सर्वेक्षणातून समोर आले आहे. तर थोड्याच फरकाने राज ठाकरे व तिसऱ्या क्रमांकावर देवेंद्र फडणवीस यांना पसंती मिळाली आहे. राज ठाकरे व पृथ्वीराज चव्हाण यांना बोलण्याच्या पद्धतीसाठी १० पैकी सरासरी ७ गुण मिळाले आहेत. दिसण्यामध्ये राज ठाकरेंना ९ तर पृथ्वीराज यांना ७ गुण मिळाले आहेत. व्यक्तिमत्वामध्ये राज यांना ३ तर, पृथ्वीराज यांना ६, पोषाखामध्ये राज यांना ८ तर पृथ्वीराज यांना ६, उंचीमध्ये राज यांना ४ तर पृथ्वीराज यांना ८ आणि हास्यामध्ये राज यांना ८ व पृथ्वीराज यांना ७ गुण मिळाले आहेत. याची सरासरी काढल्यास राज यांना ६.५ तर पृथ्वीराज यांना ६.८ गुण मिळाले आहेत. व्यक्तिमत्व व उंची यामध्ये फडणवीसांना ९ गुण मिळाले आहेत. हास्यामध्ये ७ व दिसण्यात ५ गुण मिळवून त्यांची सरासरी ६.३ आली आहे. चौथ्या व पाचव्या क्रमांकावर अनुक्रमे उद्धव ठाकरे व अजित पवार आहेत. व्यक्तिमत्वासाठी उद्धव यांना ८ तर अजित पवार यांना ५ गुण मिळाले आहेत. बोलण्याची पद्धत व पोषाखासाठी उद्धव यांना प्रत्येकी ६ तर अजित यांना प्रत्येकी ५ गुण आहेत. उद्धव यांना सरासरी ५.७ तर पवार यांना ५.५ गुण मिळाले आहेत.
महिलांमध्ये ‘पृथ्वीबाबां’ची क्रेझ
By admin | Updated: October 11, 2014 05:37 IST